هراتده‌گی کمبغل عایله‌لر: اېندی حیات‌نینگ اساسی احتیاجلرینی تأمینلشگه قُربیمیز یېتمه‌یدی
۸صبح، هرات: هراتده‌گی اَیریم کم تأمینلنگن عایله‌لر انسانپرورلیک یاردملر‌نینگ یۉقلیگی، ایشسیزلیک، طالبان‌نینگ چېکلاولری و قیش فصلی‌نینگ یقینلشیشی اولرنی آغیر شرایطگه سالیب قۉیگنینی اَیتماقده.
منبعلر شنبه کونی، ۱۱ میزان، ۸صبح گزېته‌سیگه بېرگن صحبتیده قشّاقلیک و اقتصادی معمالر‌نینگ کوچه‌ییشی عاقبتیده اېندی اۉزلری و عایله‌لری‌نینگ اساسی حیات احتیاجلرینی تأمینلشگه قُربی یېتمه‌یاتگنینی بیلدیردی.
منبعلرگه کۉره، سۉنگگی بېش ییل ایچیده آدملر‌نینگ تورموش شرایطی نهایتده آغیرلشگن. شو بیلن بیرگه، اېرککلر اوچون ایش امکانیتلری کمه‌یگن، عیاللر اېسه ایشله‌ی آلمه‌یدی.
اولر‌نینگ اَیتیشیچه، بو دورده آلدینگه نسبتاً یخشی حیاتلری برباد بۉلگن و حاضر کون و کېچه نان تاپیش اولر اوچون جدّی معماگه ایلنگن.
منبعلر، شونینگدېک، قشّاقلیک و اقتصادی معمالر‌نینگ کېنگه‌ییشی خوفسیزلیک‌نینگ یامانلشووی و اۉغریلیکلر‌نینگ کۉپه‌ییشیگه هم شرایط یره‌تگنینی اَیتماقده.
قیش فصلی‌نینگ یقینلشیشی بیلن اولر عایله‌لری‌نینگ اساسی احتیاجلرینی تأمینلشدن خواطرده اېکنینی بیلدیره‌دی. اولر‌نینگ تأکیدلشیچه، بو حالت دوام اېتسه، کم تأمینلنگن عایله‌لر اوچون حیات ینه‌ده قیینلشه‌دی.
