بیرلشگن ملتلر تشکیلاتی: حقوق بۉییچه افغان فعال عیاللری چیقاریلیشیدن خواطرده‌میز
۸صبح، کابل: بیرلشگن ملتلر تشکیلاتی نینگ سۉزلاوچیسی ناقانونی قاچیقینلرنینگ پاکستان‌دن چیقاریلیشی «چوقور خواطرلی» مساله دېب و حقوق بۉییچه افغان فعال عیاللری او مملکتدن چیقاریلیشیدن جدی تشویشده‌لیگینی بیلدیرگن.
بیرلشگن ملتلر تشکیلاتی نینگ سۉزلاوچیسی استفانن دوجاریک ۱۸-عقرب پنج‌شنبه کونی بو تشکیلات نینگ مقریده اۉتکزیلگن خبری بیر ییغینده، ناقانونی قاچقینلر همده مهاجرلر پاکستان‌دن چیقاریلیشیدن ینه بیر بار خواطر بیلدیریب، انسان حقوقلری همده عیاللر حقوقی فعاللری افغانستان‌گه قیتیشی بیلن تهدیدلرگه دوچار بۉله‌دیلر دېگن.
اونینگ کۉپه‌یتریشیچه: « بیرلشگن ملتلر تشکیلاتی عالی کمیسارلیگی افغان مهاجرلری چیقاریلیشی تۉغریسیده پاکستانلیک رسمیلر بیلن علاقه قورگنلر. جبری چیقاریلیش اینیقسه تورلی ساحه‌لرده فعال بۉلگن افغانلرنینگ افغانستان‌گه قیتیشیدن جدی خواطرده میز.»
حاضرگی شرایطنی نظرده توتگن حالده، افغانستان خلقینی بوتونله‌ی حمایت قیلیش ضروری دېدی دوجاریک جنابلری.
افغان مهاجرلرینی پاکستان‌دن جبری چیقاریش دستوری هنوزگچه جدی عکس‌العمللرگه رۉپه ره بۉلگن.
کمیده۱.۷میلیون افغان مهاجری ناقانونی شکلده پاکستان‌ده استقامت قیله دیلر و بو مملکت بلند مرتبه‌لی رسمیلری مهاجرلرنی چیقاریش لایحه‌سی باشلنگندن بېری چمه‌سی۲۵۰ مینگ افغان جبری شکلده بو مملکتنی ترک قیلیب چیقّنلر.
طالبلرنینگ ایتیشیچه، پاکستان دولتی نینگ افغان مهاجرلری بو مملکتدن ترک قیلیشی حقیده‌گی قراریدن کېین، ۳۰۰مینگ افغان مملکتگه قیتگنلر.