یونیسف: افغانستانده میلیونلب باله‌لر اقلیم خوفلریگه دوچ کېلماقده
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) افغانستانده میلیونلب باله‌لر اقلیم اۉزگریشلری عاقبتیده یوزه‌گه کېله‌دیگن خوفلرگه دوچ کېله‌یاتگنینی معلوم قیلدی.
اوشبو تشکیلات پنج‌شنبه کونی، ۳۰-میزان، افغانستان باله‌لر‌نینگ اقلیم اۉزگریشلریگه نسبتاً ضعیفلیگی بۉییچه جنوبی آسیا مملکتلری آره‌سیده بیرینچی ا‌ۉرینده توریشینی خبر قیلدی.
یونیسف‌نینگ قۉشیمچه قیلیشیچه، افغانستانده میلیونلب باله‌لر بیر وقت‌نینگ اۉزیده کمیده اوچ ته اقلیم خوفیگه، جمله‌دن، قورغاقچیلیک، سوو تاشقینلری و جزیره‌مه ایسّیق تۉلقینلریگه دوچ کېلماقده.
اۉرمان و باشقه حدودلرده‌گی یانغینلر، شونینگدېک، قوم و چنگ بۉرانلری هم باله‌لرگه تهدید ساله‌یاتگن باشقه خوفلر سیره‌سیگه کیره‌دی.
یونیسف‌نینگ تأکیدلشیچه، اوشبو حادثه‌لر باله‌لر‌نینگ تازه ایچیملیک سووی، طبی خدمتلر و ساغلیق و تازه‌لیک واسطه‌لری کبی اساسی خدمتلردن فایده‌لنیش امکانیتینی ایزدن چیقره‌دی.
یونیسف‌نینگ افغانستاندهگی وکیلی تاج‌الدین اویوالی اقلیم انقراضی شرایطیده باله‌لر‌نینگ سلامتلیگی، قدر-قیمتی و کېله‌جگینی حمایه قیلیش‌نینگ اېنگ دالضرب یۉللریدن بیری تازه سوودن فایده‌لنیش امکانیتینی تأمینلش اېکنینی اَیتدی.
