منبعلر: طالبان‌نینگ بدخشانده‌گی والیسی اۉزبېک تیلی ملی کونی مناسبتی بیلن تدبیر اۉتکزیلیشیگه تۉسقینلیک قیلدی
۸صبح، بدخشان: محلی منبعلر‌نینگ اَیتیشیچه، طالبان‌نینگ بدخشانده‌گی والیسی اۉزبېک تیلی ملی کونیگه بغیشلنگن تدبیر اۉتکزیلیشیگه تۉسقینلیک قیلگن.
منبعلر جمعه کونی، ۳۰ میزان، ۸صبح گزېته‌سیگه اَیتیشیچه، اوشبو تدبیر فیض‌آباد شهریده‌گی «بام دنیا» مهمانخانه‌سیده اۉتکزیلیشی رېجه‌لشتیریلگن اېدی. بیراق طالبانگه علاقه‌دار شخصلر تشکیلاتچیلر بیلن باغلنیب، اولرنی دستورنی بېکار قیلیش بیلن تهدید قیلگنلر.
منبعلر‌نینگ اَیتیشیچه، بدخشانده‌گی اۉزبېک مدنی فعاللری بیر هفته آلدین اوشبو ولایتده طالبان‌نینگ اخبارات و مدنیت باشقرمه‌سی رهبری بیلن اوچره‌شیب، تدبیرنی اۉتکزیش اوچون رخصت هم آلگن اېدیلر.
شونگه قره‌مه‌ی، تدبیر اۉتکزیلیشیدن بیر کون آلدین طالبان والیسی اداره‌سی تشکیلاتچیلر بیلن باغلنیب، اونینگ اۉتکزیلیشیگه تۉسقینلیک قیلگن.
هر ییلی ۲۹ میزان کونی مملکتده‌گی اۉزبېک تیلیده سۉزلشووچیلر تامانیدن «اۉزبېک تیلی ملی کونی» صفتیده نشانلنه‌دی.
