عیاللر نینگ طالبان نظارتخانهلری و تورمهخانهلریده احوالی؛ «تېکشیرو بهانهسی بیلن تجاوز قیلهدیلر»
امین کاوه
طالبان سۉنگی قریب اوچ ییلده مملکت نینگ تورلی ولایتلریده اونلب عیال نی اېریم عیبلاولر بیلن حبس گه آلگن. ۸صبح کوندهلیگی نینگ معلوماتی اساسیده برچه زندانیلر طالبان جزایی تېزیمیده عادلانه محکمه قاعدهلری گه قرشی، حقارت، قییناقلش و اولردن بیرقطاری جنسی تجاوز بولگنلر. طالبان نینگ بیر قنچه ولایتلرده عیاللر اوچون علیحده تورمهخانهلری یوق و ایرککلر نینگ تورمهخانهلری بیر قسمینی عیاللر اوچون اختصاص بیرگنلر. بو گروه تامانیدن عیاللر اوچون علیحده بنا نظرگه آلینمسلیگی گه قوشیمچه، محبوسلرنی لفظی، جسمی و روحی قییناقلهیدی. اوشبو گزارش ده ایکَی عیال محبوس طالبان تامانیدن جنسی تجاوز بولیب و باشقه عیاللر نینگ هم جنسی تجاوز بولیشی گه گواه بولگنلرینی اېتهدیلر. پلچرخی تورمهخانهسیدن قوییب یوباریلگن اوشبو عیاللردن بیری نینگ ایتیشیچه، مذکور تورمهخانه ده طبی قاعده رعایت اېتیلمسلیگی طفیلی ساچلری بیت (شپش) گه تولیب و هېچ قندهی طبی خذمت اینیقسه «حیض» پیتیده کورسهتیلمهیدی. شونینگدیک بدخشاندهگی ایشانچلی بیر منبع، طالبان علمدارلریدن بیرقطاری عیال محبوسلرنی اولر نینگ قَولی اساسیده «بویی اوزون و گوزهل» بولسه کیچهلر آلدیلری گه چقیریب و اېرتهلب قیته دن تورمهخانه گه یوباریش اوچون سعی-حرکت قیلهدیلر. ۸صبح کوندهلیگی نینگ ارزگان ولایتیدن توپلهگن معلوماتی اساسیده، عیاللر قولگه آلینسه، قندهار ولایتی تورمهخانهسیگه قدر آلیب باریلگونچه اوشبو گروه رسمیلری نینگ اویلری گه سقلنهدی.
طالبان اۉتگن ایکّی یریم ییلدن کوپراق ده عیاللرنی تورلی عیبلاولر بیلن اۉز باشیمچهلیک طرزده زندانی قیلگنلر. بو گروه عام حضوری ده عیاللرنی دُره اوریش و صحرایی محکمه قیلیش گه قوشیمچه، یوزلب خاتین قیزنی طالبان نینگ مخالف جبههلری، داعش گروهی بیلن همکارلیک قیلیش و یات ایرککلر بیلن ناقانونی علاقهسی بارلیگی و اوشبو گروه نینگ قَولی اساسیده نامحرم اېرکک بیلن تلفونی گپیریش عیبی بیلن ناعادلانه شکلده زندانی قیلگنلر.
۸صبح کوندهلیگی نینگ معلوماتی اساسیده، خاتین قیزلردن بیرقطاری طالبان نظارتخانهلری و تورمهخانهلریده تجاوز بولگن. طالبان تامانیدن قماق و قولگه آلینیش تجربهسی بولگن خاتین قیزلر، بو گروه نینگ قوروقچیلری و رسمیلری انسانیت قدریتلری گه ضد محبوسلر بیلن یاندهشیشنی ادعا قیلگنلر.
محبوس عیاللر نینگ بیاناتی اساسیده، طالبان نظارتهخانهلرده تېکشیریش پیتیده متهم کیشیلرنی یالانغاچ بولیشلرینی سۉرهیدی و اولر نینگ بویروغی گه عمل قیلمهیدیگن کیشی قییناقلنهدی، حتا جنسی تنهلریگچه.
بو گزارش ده تورت محبوس عیال و محبوسلر نینگ ایکّی قرینداشی که متهم کیشیلر نینگ نسبتی حجتلرینی رسمیلشتیریش تجربهسی بولگن، صحبت قیلینگن. اوشبو گزارش ده توپلنگن معلومات اساسیده، میلادی اۉتگن ییل یاش قیز نینگ جسدی کابل شهری ارغندی چوکی ده اریق ایچیدن تاپیلدی، طالبان جنگریلری تامانیدن حجاب نی رعایت قیلمسلیک عیبی بیلن قولگه آلینیب و تجاوز بولگندن سۉنگ اۉلدیریلگن.
منبعلر نینگ ادعاسی اساسیده، مذکور قیز نینگ آته-آنهسی دادخواهیلیک اوچون طالبان نهادلری گه مراجعت قیلیب و لادرک بولیشگن و اولر نینگ تقدیری دن حاضرگچه هېچ خبر یوق. طالبان ۲۳ یاشر بیبیمارینا نی قویاش ۱۴۰۲ ییل ۲۸ قوس ده کابل شهری اون اوچینچی ناحیه، نانوانی بیکتی و برچی سیتیسنتر اۉرتهسیدن بو گروه نینگ اېستهگی اساسیده حجاب نی رعایت قیلمسلیک عیبی بیلن قولگه آلگنلر. مارینا تیکووچیلیک یانیده، انستیتوت صحی فارابی طلبهسی اېدی و ۲۰ کوندن کوپراق طالبان تورمهخانهسی گه قالیب و کېین اېسه جسدی اریققه تشلنگن.
اوشبو گزارش ده تورمهخانهلردن قوییب یوباریلگن محبوسلر بیلن صحبت قیلینگن و طالبان نظارتخانهلری و تورمهخانهلریده اۉتکزگن کونلریدن اچیق حکایت قیلهدیلر. بو عیاللر گه کوره، عدالتسیزلیک و یالغان ادعا بیلن زندانی بولگنلر.
عیال زندانیلردن بیرقطاری نینگ ایتیشلریچه، عادلانه محکمهسیز و مدافع وکیلسیز زندانی بولیب و او ییرده آزیق-آوقت و طبی قاعدهلر رعایت بولمسلیک قین احوال ده کون کېچیریشگن. اولرگه کوره، طبی قاعدهلر رعایت بولمسلیکّه قوشیمچه طالبان نینگ محبوسلرنی سوکیش و طعنهلری تا تېریک ایسلریدن چیقمهی و اولرنی رنجیتهدی. پلچرخی تورمهخانهسیدن قوییب یوباریلگن عیال زندانیلردن بیرقطاری نینگ ایتیشیچه، اویی گه کېلیب ساچینی ترهگنده باشی توله بیت اېکن.
گزارش نینگ معلوماتلری اساسیده، طالبان نینگ بعضی نظارتخانهلریده عیاللر اېرککلر نینگ تشنابلریدن مشترک طرزده فایدهلنهدیلر. بونگه علاوه، زندانی عیاللر نینگ ایتیشلریچه، ایکّی یا که اوچ کیشی تېریکچیلیک قیلهدیگن اتاق ده، طالبان تورمهخانهلریده ۸ کیشی دن ۱۰ کیشی زندانی دیر.
بو گزارش ده بدخشان، بلخ، سمنگان، ارزگان، کابل، غزنی و میدانوردک ولایتلریده عیال تورمهخانهلری نینگ احوالی تېکشیریلگن. قولگه کېلگن معلومات اساسیده، عیاللر اوشبو برچه ولایتلرده تورلی عیبلاولر بیلن حبس گه آلینیب و اولردن بیرقطاری بو گروه محکمهسی تامانیدن گناهسیز دییلگن. قوییب یوباریلگنلر نینگ ایتیشلریچه، اساسسیز عیب بیلن زندانی بولگن و اولر همده عایله اعضالری نینگ اجتماعی حرمت و حیثیتی و زیان کورگن و کمبغللیک حالده صرفلهگن خرهجتنی کیم تولهیدی.
بدخشان ده طالبان تورمهخانهسیده عیاللر نینگ احوالی
بدخشان ولایتیدن قولگه کېلگن معلوماتلر اساسیده، حاضرگی کونده مذکور ولایت نینگ مرکزی فیضآباد شهری ده بو گروه نینگ تورمهخانهلریده ۷۹ عیال زندانی دیر. معلوماتلر گه کوره، بو ولایت نینگ برچه تومنلریده عیاللر گه عاید تورمهخانه یوق. بدخشانده طالبان تامانیدن متهم تانیلگن عیاللر، قولگه آلینیشدن سۉنگ مذکور ولایت تومنلری نینگ امنیه قوماندانلیکلری نظارتخانهلریده سقلنهدیلر.
قولگه کېلگن معلومات اساسیده، بدخشان ولایتی یفتل (بالا و پایین) تومنی استثنا عیاللر اوچون مخصوص نظارتخانه یوق؛ بیراق بدخشان ولایتی نینگ برچه تومنلریده نظارتخانه آتیده یالغیز بیر اتاق موجود، قولگه آلینگن کیشیلر کفالت تاپیلگونچه یا که ولایت مرکزی گه آلیب باریلگونچه ایکّی-اوچ کون او ییرده قالیب کېتهدی.
منبعلر نینگ ۸صبح کوندهلیگی گه ایتیشلریچه، بدخشان ولایتی بوتون تومن امنیه قوماندانلری نظارتخانهلری نینگ اتاقلری صحی و دستلبکی امکانیتسیز دیر. ۸صبح کوندهلیگی نینگ معلوماتلری اساسیده، بدخشان امنیه قوماندانلری نظارتخانهلریده برچه عیاللر علیحده تشناب و سوو یوقلیگی اوچون اېرککلر نینگ تشنابلریدن مشترک شکلده فایدهلنهدیلر.
بدخشانده طالبان نینگ قوماندانلیکلر جنایی بولیمیده یالغیز بیر نظارتخانهسی بار و عیاللرنی قولگه آلگنده، قوماندانلیکلر نینگ نظارتخانهسی گه انتقال بیریب و او ییردن باغلیق اداره گه تاپشیرهدیلر.
بدخشانده محبوس عیاللر نینگ حجتلری تېکشیریلگن اونگه اساس، بیر قنچه عیاللر ناقانونی علاقه عیبی بیلن قولگه آلینگنلر. شونینگدیک اوشبو ولایتده بیر عیال فیضآباد شهری ده بو گروه نینگ امر معروف و نهی منکر محتسبلرینی حقارت قیلیش عیبی بیلن زندانی بولگن.
ناقانونی علاقه و اوی دن قاچیش عیبی گه قوشیمچه، مذکور ولایت نینگ شغنان تومنیده ۱۵ خاتین قیز، طالبان نظری اساسیده حجاب نی رعایت قیلمسلیک و بو گروه نی حقارت قیلیش عیبی بیلن قولگه آلینگنلر. شونینگدیک بهارک تومنیده بیر عیال تلفونی علاقه و طالبان کوچلری بیریدن باج آلیش بیلن قولگه آلینگن.
یاوان تومنیده قولگه آلینگن ایکّی عیال نینگ عیبی حاضرگچه انیقلنمهگن؛ بیراق اولر اۉتمیش ده پولیس اېکنلر. طالبان اولر نینگ قولگه آلینیش سببینی آچیقلمهگنلر و اولر عیبی انیقلنمسدن تورمهخانه ده سقلنماقدهلر. عینحالده یفتل پایان تومنیده بیش عیال طالبان بیر جنگریسینی اۉلدیریش عیبی بیلن زندانی بولگن و مذکور ولایت نینگ تگاب تومنیده ایکّی اوقیتووچی، عیاللرنی طالبان نظری اساسیده حجاب نی رعایت قیلمسلیکّه ترغیب قیلیش عیبی بیلن قولگه آلینگنلر.
عینحالده، ایشانچلی منبعلر نینگ ۸صبح کوندهلیگی گه ایتیشلریچه، متهم و معتاد عیاللر برچهسی بیر مکان ده سقلنهدی. منبعلر گه کوره، اوشبو تورمهخانه مسوولی یا که منبعلر قَولی اساسیده عیال اوچون تینچ اوی دیر، عیاللر بیلن یامان یاندهشیب و اولرنی حقارت قیلهدی.
منبعلر نینگ ایتیشلریچه: «همه دن یامان و دهشتلی مسأله بو که امر معروف کمیتهسی شامل طالبان محلی عملدارلری، اوشبو تورمهخانه مسوولی دن یاش بولگن عیاللرنی کیچه طالبان اوشبو رسمیلری آلدی گه یوللشنی اېستهگنلر.» بو منبعلر نینگ کوپهیتیریشیچه: «طالبان محلی بیر رسمیسی کیچه بیز اوچون [عیال محبوس]لرنی یوبارسنگ، رنجر یوللب بویی اوزون و گوزهل بولگن عیاللرنی بیز اوچون تنله. بیر کیچهلیک بیز گه تاپشیر و اېرتهلب وقت مکانلری گه قیته دن آلیب باریشلرینی اېتگن. »
بلخ ولایتیده عیال محبوسلر نینگ احوالی
قولگه کېلگن معلوماتلر گه کوره، حاضرگی کونده بلخ ولایتی مرکزی مزارشریف شهری تورمهخانهسیده ۱۰۲ عیال زندانی دیر. مرکزی تورمهخانه مزارشریف شهری نینگ بیرینچی ناحیهسیده دیر و بو ولایت نینگ ۱۴ تومنیده عیال زندانیلر اوچون علیحده بنا یوق. بو ولایت تومنلری امنیه قوماندانلیکلر نینگ نظارتخانهلریده عیاللرنی سقلش اوچون یالغیز بیر اتاق بار.
بلخ ولایتی تومنلریدن توپلنگن معلومات اساسیده، حبس گه آلینگن عیاللر ۲۴ ساعت دن سۉنگ مزارشریف شهری مرکزی تورمهخانهسی گه آلیب باریلهدی. بیر قنچه عیاللر مذکور ولایت تومنلری و مرکزی ده طالبان اېرکک جنگریلری تامانیدن قولگه آلینهدی و عیاللرنی قولگه آلیش پیتیده کوپراق عیاللرنینگ حضوری بولمهگن.
معلومات اساسیده، بلخ ولایتیده طالبان تامانیدن حبس گه آلینگن بیر قنچه عیاللر بو گروه نینگ مخالف جبههلری بیلن همکارلیک قیلیش عیبی بیلن قولگه آلینگنلر. بو محبوسلر عادلانه محکمه دن فایدهلنه آلمهیدی و عایله اعضالری بیلن ملاقات قیلیش اوچون جوده آز وقت بیریلهدی.
بلخ ولایتیدهگی منبعلر اوشبو ولایت عیال تورمهخانهسیده طبی قاعده رعایت بولمسلیگینی ادعا قیلهدیلر. اولر گه کوره، یخشی آزیق-آوقت بیریلمهی و نظافت رعایت بولمهیدی. منبعلر نینگ بیاناتی اساسیده، نظارتخانهلرده عیاللر گه حرمتسیزلیک بولهدی و تورمهخانه ده قولگه آلیش پیتی گه نسبتن اونچهلیک قییناقلنمهیدی، بیراق زندانی عیاللردن سوءاستفاده بولهدی و طالبان اۉرتهسیده عیاللر آوازینی ایشیتهدیگن هېچ نهاد یوق.
قوییب یوباریلگن محبوسلردن بیرقطاری، تورمهخانه ده بولهدیگن «جرم و جنایت» نی هېچ کیم سورهمسلیگینی تصدیقلهگنلر. اولر گه کوره، طالبان عملدارلری محبوس عیاللرنی یامان و قول کبی کورهدی شونی اوچون اولر نینگ قوروقچیلر و بو گروه جنگریلریدن شکایت قیلیشنی هېچ کیم ایشیتمهیدی.
بلخ دن کېلگن معلوماتلر اساسیده، عیاللردن بیرقطاری طالبان تورمهخانهلریدن قوییب یوباریلگچ اۉزینی اۉلدیرگن. یاش بیر قیز ۱۴۰۲ ییل ۱۲ دلو، پنجشنبه کونی بلخ ولایتی مرکزی مزارشریف شهری نینگ اوچینچی ناحیهسیده اۉزینی اولدیرگن. طالبان اوشبو یاش قیزنی بو گروه نظری اساسیده حجاب نی رعایت قیلمسلیک عیبی بیلن قولگه آلگن اېکنلر و جسدی پنجشنبه کونی بلخ تومنی «کول امبوی» منطقهسیدن تاپیلگن. بو قیز تجاوز بولیب و کېین اېسه آتیب اولدیریلگن دیېدی، منبعلر.
غزنی ولایتی عیال تورمهخانهسی موقعیتی و محبوسلر نینگ سانی
غزنی ولایتیده عیاللر اوچون مخصوص تورمهخانه یوق. بو ولایت مرکزی تورمهخانهسی نینگ بیر بولیمی عیاللر تورمهخانهسی اوچون اختصاص بیریلگن و بو تورمهخانه غزنی شهری مرکزی حدودلری کوهباد منطقهسیده ییرلشگن. حاضرگی کونده بو تورمهخانه ده ۱۵ عیال زندانی دیر. بو عیاللر یات اېرککلر بیلن ناقانوی علاقهسی بارلیگی، اوی دن قاچیش عیبی بیلن قوگه آلینگنلر. معلوماتلر گه کوره، بو تورمهخانه ده طبی قاعده اونچهلیک رعایت بولمهیدی و محبوسلر عایله اعضالری نینگ کوریش امکانیتی جوده هم آز دیر.
غزنی ولایتی تومنلریده عیاللر اوچون تورمهخانه یوق و عیاللر قولگه آلینیشدن سۉنگ بو ولایت تومنلری امنیه قوماندانلری نینگ نظارتخانهلریده سقلنهدی و حجتلری رسمیلشتیریلیشیدن سۉنگ، غزنی ولایتی مرکزی تورمهخانهسی گه انتقال بیریلهدیلر.
معلوماتلر گه کوره، غزنی ولایتی ۱۸ تومنیدن یالغیز جاغوری، مالستان و قرهباغ تومنلریده عیاللرنی سقلش نظارتخانه موجود و باشقه تومنلرده عیاللرنی سقلش اوچون هېچ مکان یوق.
میدانوردک ولایتی عیاللر تورمهخانهسی نینگ موقعیتی و محبوسلر سانی
۸صبح نینگ میدانوردک ولایتیدن قولگه کېریتگن معلوماتی اساسیده بو ولایت تومنلریده عیاللر گه مخصوص تورمهخانه یوق، بیراق میدانشهر مرکزی تورمهخانهسی ایچیده عیاللرنی سقلش اوچون علیحده بیر بنا بار. حاضرگی کونده بو تورمهخانه ده آلتی عیال زندانی دیر اولر نینگ بیری قتل و باشقه بیش نفری ناقانونی علاقه عیبی بیلن زندانی بولگنلر.
مذکور ولایت نینگ حصه اول بهسود و سیدآباد اولسواللیکلری نینگ اداره بناسیده، عیاللر گه مخصوص نظارتخانه آتیده بیر اتاق اختصاص بیریلگن، بیراق جلریز، نرخ، چک، جغتو و دایمیرداد تومنلریده عیاللر گه مخصوص تورمهخانه یا که نظارتخانه یوق. طبی خذمت کورسهتیلمسلیگی، دستلبکی امکانیت یوقلیگی، قوروقچیلر نینگ یامان مناسبتی، میدانوردک ولایتیده بو گروه نظارتخانهلریده اساسی قیینچیلیک عنوان قیلینگن. منبعلر نینگ کوپهیتیریشیچه، عیاللر نینگ جنجلی کوپراق محلی جرگهلر و ملا اماملر تامانیدن حل اېتیلهدی که طالبان نینگ صحرایی محکمهسی کبی دیر و انسانی کرامت شامل متهم کیشیلر نینگ حقوقی رعایت بولمهیدی.
عینحالده، ارزگان ولایتی مرکزی و تومنلریده عیاللر گه عاید هېچ تورمهخانه و نظارتخانه یوق. طالبان تامانیدن تورلی عیبلاولر بیلن قولگه آلینگن عیاللر، طالبان عملدارلری نینگ یشش اویلریده سقلنهدی یا که قندهار ولایتی عیاللر تورمهخانهسی گه آلیب باریلهدی.
شو بیلن بیرگه، سمنگان، جوزجان و فاریاب ولایتلریدن ۸صبح کوندهلیگی نینگ قولگه کېریتگن معلوماتی اساسیده، سمنگان ولایتی مرکزی ایبک شهری ده ۲۳ عیال زندانی دیر. اولر اېرککلر بیلن ناقانونی علاقهسی بارلیگی، اوی دن قاچیش، سابق حربی کوچلر بیلن علاقهسی بارلیگی و طالبان مخالف جبههلری گه همکارلیک قیلیش عیبی بیلن قولگه آلینگنلر.
گزارش نینگ معلوماتلری اساسیده، جوزجان مرکزی شبرغان شهریده ۱۹ عیال زندانی دیر و اولردن بیرقطاری بنگیوار مادهلر نی قاچاق قیلیش، طالبان مخالف کوچلری گه همکارلیک قیلیش و اوی دن قاچیش عیبی بیلن حبس گه آلینگنلر. اولر دن بیر قنچهسی نینگ عیبی اصلا معلوم اېمس مخصوص نسبتی حجتسیزلیک بیلن تورمهخانهلرده سقلنماقده و طالبان اولرنینگ قچان قوییب یوباریشی حاضرگچه نامعلوم.
فاریاب ولایتی تومنلریده هم عیاللر گه عاید مخصوص تورمهخانه یوق و یالغیز بیر تورمهخانه اوشبو ولایت مرکزی میمنه شهری عمومی سرکی ایکّینچی ناحهسیده ییرلشگن و او ییرده عیاللر زندانی دیر. بو عیاللر اوی دن قاچیش، اوغیرلش و ناقانونی علاقه عیبی بیلن قوگه آلینگن.
اوشبو ولایتلردن ۸صبح کوندهلیگی اختیاری گه قرار تاپگن معلوماتلر اساسیده، عیاللر مدافع وکیللری یوقلیگی و عادلانه محکمه دن فایدهلنه آلمسلیکّه قوشیمچه، عایله اعضالری بیلن قولهی شکلده ملاقات قیله آلمهیدیلر. بو ولایتلرده زندانی بولگن عیاللر نینگ بیر قنچه عایله اعضالری ملاقات اوچون طالبان اعضالری گه پول بیرهدیلر.
کابل و سمنگان ده طالبان نظارتخانهلری و تورمهخانهلریدن عیاللر نینگ تجربهسی
طالبان تورمهخانهسیده قیسقه مدتلی و اوزاق مدتلی قملگن عیاللر نینگ تجربهسی قورقینچلی و دهشتلی دیر. کابل شهری اون آلتینچی خوفسیزلیک حوزه نظارتخانهسیده طالبان تامانیدن جنسی تجاوز بولگن اعتراضچی عیاللردن بیری گه کوره، بو گروه عیاللرنی قُول و اوروش غنیمتی اولهراق کورهدی.
اعتراضچی اوشبو عیال قولگه آلینیش بیرینچی کیچه ده جنسی تجاوز بولگن، ۸صبح کوندهلیگی بیلن گپیریش پیتیده نیچه مرته بوغزی آلینیب و کوزلریدن یاش آققن. او اۉزی نینگ سۉزلری گه قرهگنده متحرک اولیکّه اېلنگن ایتیشیچه، طالبان تېکشیریش پیتیده خاتین قیزلرنی یالانغاچ بولیش گه مجبور قیلهدی. اونگه کوره، طالبان نینگ بویروغی گه عمل قیلمهگنلر قتیق شکلده قییناقلنهدی.
نرگس نثار (مستعار) خوفسیزلیک تهدیدلر طفیلی گزارش ده آتینی ذکر اېتیلمهگن ۸صبح کوندهلیگی بیلن اۉتکزگن صحبتیده ایتیشیچه، اوچ کون طالبان اون آلتینچی حوزه نظارتخانهسیده سقلنیب و بیر کیچه طالبان نینگ ایکّی جنگریسی تامانیدن جنسی تجاوز بولگن. بانو نثار گه کوره: ««سیلرنی کیم قۉللب-قوتلهیدی دیب سۉرهیدیلر؟ نیگه اعتراض قیلهسیزلر؟ قبول قیلمهی و منکر بولسم، صورتلرنی کورسهتیب و قییناقلر دیلر. کیچه کېلیب آلیب کېتهدی. قرانغو اېدی (ییغی). سالون قرانغو و اوزون اېدی. قییردهلیگینگیزنی اصلا بیلمهیسیز. قیزلرنی نوبت بیلن آلیب کېتر اېدیلر (ییغی). بویروغلری گه عمل قیلمهگنلرنی دُره و قنداقلر اېدیلر کییملرینگنی چیقرینگلر دیب. کییملرینی چیقرمهگنلرنی کوپ اوریشردی.»
بو عیال هر بیر کلمه نی بیان قیلیش ده بوغزی آلینیب و کوزلریدن یاش آقهدی ایتیشیچه، خاتین قیزلر نینگ ناله و آوازینی کیمسه اېشیتمهیدی.
بانو نثار نینگ کوپهیتیریشیچه: «فضا دهشتلی بولگنی اوچون هېچ کیم گپیریش گه حرکت قیلمهیدی. برچه اوز عفتی اوچون تلاش قیلهدی، لېکن اېشیتهدیگن هېچ کیم یوق. بیر اتاق ده آلتی کیشی اېدیک، ایکّی قیز و تورت عیال. قیزلردن بیرینی پاچهسی بلندلیگی اوچون آلیب کیلگن اېدیلر. ینگیلیکده نشانلنگن اېدی. میندن آلدین تجاوز بولیب و کېین اېسه مینی آلیب کېتدیلر»
اعتراضچی مذکور عیال گه کوره: «ایکّی کیشی دهشتلی طرزده اوستیمگه تجاوز قیلدیلر. بیرینچیدن کییملرینگنی چیقر دیېدی. قرشیلیک کورسهتیب بقیردیم، قاره رومال بیلن یوزیم و قوللریمنی آرقهدن بغلهدیلر و کییملریمنی اۉزلری چیقردی. نه بقیره آلردیم و نه هم قیمیردهی آلردیم. یالغیز طالبان آوازی کېلردی. تجاوز پیتیده بقیرگن حالده، کورستیب بولمهیدیگن جای گه اورردیلر. شرمگاهلریمیزدن چوتی آلردیلر.»
بانو نثار نینگ کوپهیتیریشیچه، عایله اعضالری اونی پلچرخی تورمهخانهسیدن قوتقریش اوچون واسطه قیلگن. اونگه کوره: «اۉزیم و عایله اعضالریمنی یېتکرمهلر بیلن صحبت قیلمسلیکدن آگاهلنتیردی. یېتکرمهلر بیلن صحبت قیلینسه برچه عایله اعضالریم یوق اېتیلیشی اوچون تهدید قیلدی. نیچه مراتبه اۉزیمنی اۉلدیریش گه حرکت قیلدیم لېکن بالهلریمنی کوریب واز کېچدیم. اېریمنی قرهمسنگ، آزاد قیل دیېدیم؛ چونکه اۉز علاقهم بیلن قیلمهگن من. اېریم نه اېشیتدیم و نه هم اېشیتهمن دیېدی.»
اعتراضچی اوشبو عیال نینگ کوپهیتیریشیچه: «طالبان کوپ اخلاقسیزلیک قیلیشهدی. آتهلرنی سوکهدیلر. سیلر مسلمان بولسنگیز نیگه بوندهی ایشلر گه [سکسّ] قیلمهیسیلر دییشردی؟ کافر پول بیرسه [سکس] قیلهسیلر دیېردیلر.» بانو نثار نینگ تاکیدلشیچه: «طالبان تېکشیرمر اېدی بلکه تجاوز قیلر اېدیلر. باشقه ایشلری یوق اېدی. تېکشیریش اېرتهلب باشلنر اېدی. گپیریش حقیمیز یوق اېدی. هر کیم بیر بورچک ده اولتیریب قیغورردی. حاضر هر ثانیه و حلال اېریم بیلن قوشیلگنده ایسیمگه کېلهدی. قورقهمن و اوشه حالتده ییغلهی من. بقیرهمن. روحی قیینیچلیگیم اوچون دارو-دوالندیم لېکن حاضرگچه یخشی بولگنیم یوق.» او طالبان تورمهخانهلریده جنسی تجاوز بولگن برچه خاتین قیزلردن تجربهلری حقیده گپیریشلرینی اېستهیدی. او اچینیب ایتیشیچه: «عزت مسالهسی بولسه عزتلرینگیزنی یوق قیلیشدی و جنسی تجاوز قیلدیلر، حاضر نیگه جیمسیزلر؟»
سمنگان ولایتیدن یاش قیز شمایل (مستعار). بو قیز نینگ عایله اعضالری طالبان نینگ کېکسه اعضالریدن بیری گه تورموش گه چیقریشنی اېستهگن لېکن او قرشیلیک کورسهتیب و آتهسی نینگ اوی دن قاچگن. اونگه کوره، ایکّی مرته طالبان اعضالری تامانیدن جنسی تجاوز بولگن و ییتّی آی دن کوپراق اوشبو گروه تورمهخانهسیده زندانی بولگن.
شمایل ۸صبح کوندهلیگی گه ایتیشیچه: «عایله اعضالریم مینی کېکسه بیر طالب گه بیریشنی اېستهدیلر. مین راضی اېمس اېدیم و اوی دن قاچیب کابل گه کېتماقچی اېدیم. طالبلر رباطککه توختهتیب و نظارتخانه گه آلیب باردیلر. ۱۲ کون نظارتخانه ایچیده قییناقلندیم. ایکّی مرته جنسی تجاوز بولدیم. ۱۲ کوندن سۉنگ تورمهخانه گه آلیب باردیلر، ییتّی آی سمنگان تورمهخانهسیده اېدیم.»
سمنگانلیک اوشبو یاش قیز نینگ ایتیشیچه، طالبان تورمهخانه ده عیاللرنی بو گروه نینگ جنسی طلبلری گه تن بیریش اوچون مجبور قیلهدی، عکسحالده قییناقلهیدیلر. اونگه کوره: «ییتّی آی سمنگان تورمهخانهسیده اېدیم، راضی بولیب و کیچهلر طالبان بیلن باریش اوچون بیر قنچه عیاللر نینگ قییناقلنیش گواهی من [طالبان اعضالری عیاللرنی تورمهخانهدن چیقریب و جنسی تجاوز قیلهدیلر.] راضی بولمهگنلر قییناقلنهدی. نهایت ییتّی آی دن سۉنگ قرینداشلریمنی تاپدیم پول یوللشدی، اولر گه بیردیم و مینی قوییب یوباردیلر.»
پلچرخی تورمهخانهسیده عیاللر نینگ قییناقلنیش تجربهسیدن مشقت تحملی گه قدر
عایلهوی جنجللر طفیلی طالبان دامی گه توشگن عیاللردن بیری شمسیه (مستعار)، طالبان نینگ شفقتسیز محکمه جریانیدن نالیدی. اونگه کوره، بیر توطیه اساسیده بو گروه دامی گه توشدی، بیراق اوشبو گروه نینگ محکمهلری عدالتلی محکمه قاعدهلری گه اعتبار بیرمسدن اونی پلچرخی تورمهخانهسی گه یوللب و کېین اېسه گناهسیز تانیلگن.
شمسیه زندانی بولیش تجربهسی حقیده سواللردن بیرقطاری گه قیین بیلن جواب قیترهدی، بوتوغریده به تفصیل صحبت قیلمسلیگینی اېستهیدی. او بوتوغریده صحبت قیلمسلیک سببینی روحی گه تاثیر قیلیشی عنوان قیلهدی. شمسیه نینگ کوپهیتیریشیچه: «بیلمسدن قییناقلنر اېدیم. صحبت قیلیش قولهی اېمس، روحیم گه تاثیر قیلهدی. هر نرسه اوتگینچی اما عاقبتی عمر بات قالهدی.»
بانو شمسیه گه کوره، پلچرخی ده طالبان نینگ تورمهخانه قوروقچیلری زندانی عیاللر بیلن انسانیت کرامتی گه ضد یاندهشهدی و هر اتاق ده ۸ دن ۱۰ کیشی زندانی دیر. او پلچرخی ده طبی قاعده رعایت بولمسلیگی و یخشی آزیق-آوقت یوقلیگینی بیلدیرهدی. اونینگ کوپهیتیریشیچه، نیچه تشناب بار برچه زندانیلر اوندن فایدهلنهدی. اونگه کوره، زندانی عیاللر نینگ کوندهلیک ایشی تورمهخانهنی تازهلش اېدی و شو بیلن هم او ییر نینگ ساغلیق احوالینی تحمل قیلیب بولمهیدی.
شو بیلن بیرگه، شمسیه نینگ عایله اعضالریدن که اونینگ حجتلرینی رسمیلشتیریب و محبوسلیک پیتیده اوندن خبر آلیش اوچون نیچه مراتبه پلچرخی تورمهخانهسیگه بارگن، ۸صبح کوندهلیگی گه ایتیشیچه، طالبان اونی عایلهوی قیینچیلیک اوچون حبس گه آلگن، بیراق قولگه آلیش پیتیده اونینگ دوسیهسینی باشقچه قیلیب و شمسیه نی باشقه نرسه گه عیبلهدیلر. اونینگ کوپهیتیریشیچه، طالبان اونینگ قوییب یوباریش اوچون آلتی مینگ دالر اېستهگن اېدی.
۸صبح کوندهلیگی گه شبنم مستعار اسمی بیلن صحبت قیلگن اوشبو عیال گه کوره، شمسیه نینگ نسبتی حجتلرینی محکمه دن تورمهخانه گه قدر قانونیلشتیریش وقتیده کوپ قیینچیلیک بیلن روپهره بولگن و اولرنینگ خاطرلش اونی اوچون قورقینچلی و دردلی دیر.
شبنم گه کوره: «طالبان بیزنی بدکاره اولهراق کورهدی. نظارتخانه دن محکمه و پلچرخی تورمهخانهسیگه قدر اچیق تجربهلریم بار. پلچرخی تورمهخانهسیده بیر کون کیچیک تلفون قولیمده اېدی طالبان جنگریلریدن بیری مین بیلن یامان یاندهشدی. اونگه نیگه انسان کبی یاندهشمهیسیلرینگ دیب سوال بیردیم؟ سیلر یخشی بولسهلرینگ حاضر زندان ده بولمسدیلرینگ دیېدی.»
شمسیه نینگ اوشبو قرینداشی گه کوره: «بیر کون پلچرخی تورمهخانهسی گه باردیم. ییلکهسی جدی جراحتلنگنینی کوردیم.» باشقه همه نرسهدن الملی بوکه پلچرخی دهگی محبوس عیاللر عیبلاولری گه قرهمسدن برچهسی بیر ییرده زندانی دیر.
شبنم نینگ ایتیشیچه: «بیر کتّه سالون ده همه بیر ییرده زندانی اېدیلر. او ییرده عیبی فرقلی بولگنلر هم بار اېدی. گناهسیز بولگنلر هم بار اېدی، بیراق متهم و مجرم برچه بیر ییرده اېدیلر»
شبنم نینگ کوپهیتیریشیچه: «شمسیه نینگ ساچلری اوزون اېدی، تانیب بولمهیدیگن قدر اریغ لهگندی. اوی گه کېلگن پیتیده باشی بیت دن توله اېدی و باشیدن بیت توکیلردی. حیض کورگن عیاللر گه هېچ قندهی طبی خذمت کورسه تیلمهیدی. حیوان کبی تورمهخانه ده یشهیدیلر.»
طالبان اوچینچی حوزهسیده قییناقلنگن باشقه اعتراضچی عیاللردن بیری، قییناقلنگن تنهسی عکسلرینی ترقهتگن، ایتیشیچه: «جدی قییناقلندیم، قیزیم بیر یاشر اېدی،کوپ ییغلر اېدی. قولی یا که ایاغی سینگنمیدی بیلمهدیم. صبحت قیلمسلیگیم اوچون آگاهلنتیرگن اېدیلر و بو احوال حقیقتن هم اچینرلی دیر.»
بوندن آلدین ۸صبح کوندهلیگی علیحده تحقیقی گزارشلریده، طالبان تورلی اسلوبلر بیلن تورمهخانهلرده عیاللرنی قییناقلب و اولرنی جنسی تجاوز قیلگنی حقیده معلومات توپلهگن اېدی.
شونینگدیک مملکت نینگ غربی ولایتلریده عیاللر نینگ احوالی حقیده علیحده معلومات بیریلگن که عیاللر غور، هرات، بادغیس، فراه و نیمروز ولایتلریده تورلی عیبلاولر بیلن زندانی بولیب و تورمهخانهلرده اېریم زورهوانلیک و یامان یاندهشوولرنی باشدن کېچیریشگن.
بو گزارش افغان ویتنس لایحه یاردمی بیلن تیارلنگن.