بلخده یۉل-ترانسپورت حادثهسیده بیر کیشی جان بېریب و ۱۱ کیشی یرهلندی
۸صبح، بلخ: طالباننینگ بلخدهگی خوفسیزلیک قوماندانلیگی اوشبو ولایتده یوز بېرگن یۉل-ترانسپورت حادثهسی عاقبتیده بیر کیشی جان بېرگنی و ینه ۱۱ کیشی یرهلنگنینی معلوم قیلگن.
طالبان نظارتیدهگی باختر اخبارات آژانسی یکشنبه، ۲۹ سنبله کونی خبر بېریشیچه، اوشبو حادثه مزارشریف–کابل عومی یۉلیده صادر بۉلگن.
طالباننینگ خوفسیزلیک قوماندانلیگی اَیتیشیچه، حادثهنینگ سببی هیداوچیلرنینگ احتیاطسیزلیگی و یۉل حرکتی قاعدهلریگه رعایه قیلمهگنی بۉلگن.
سۉنگگی ییللرده افغانستان قتناو یۉللریده صادر بۉلگن یۉل-ترانسپورت حادثهلری کۉپلب انسانلرنینگ جان بېریشیگه سبب بۉلگن.
هیداوچیلرنینگ احتیاطسیزلیگی، بېلگیلنگن تېزلیکدن آشیب کېتیش و یۉل حرکتی قاعدهلریگه رعایه قیلمسلیک اوشبو حادثهلرنینگ قید اېتیلگن سببلریدن دیر.
