کابلدهگی دعوت بیلیم یورتی طالباننینگ رهبریت هیاتینی تعیینلشیگه قرشی ناراضیلیک صفتیده فعالیتینی تۉختهتدی
۸صبح، کابل: کابلدهگی خصوصی دعوت بیلیم یورتی مسووللری طالباننینگ عالی اۉقوو وزیرلیگی تامانیدن ینگی رهبریت هیاتی تعیینلنیشیگه ناراضیلیک صفتیده اوشبو بیلیم یورتینی یاپگن.
اوشبو بیلیم یورتی شنبه کونی، ۲۸ سنبله، اعلان قیلگن بیاناتیده طالبان تامانیدن هیات تعیینلنگنینی قارهلهگن.
دعوت بیلیم یورتی قۉشیمچه قیلیشیچه، اوشبو هیات بیلیم یورتی ادارهسی و اساسچیلری راضیلیگیسیز تعیینلنگن و بو تعلیم موسسهسی نظریده قانونی کوچگه اېگه اېمس.
بیاناتده اَیتیلیشیچه، طالبان «هېچ قندهی اساسلی شرعی، قانونی و اداری سبب کېلتیرمسدن» همده اداره و اساسچیلرنینگ راضیلیگیسیز اوشبو بیلیم یورتینی اېگهللب، ینگی رهبریت هیاتینی تعیینلهگن.
دعوت بیلیم یورتی حقوقی و قانونی مقامی آیدینلشگونگه قدَر اوشبو موسسهنینگ برچه علمی، اۉقوو و اداری فعالیتی ۱۴۰۵-ییل سنبله آیینینگ ۲۹-کونیدن باشلب تۉختهتیلیشینی بیلدیرگن.
طالباننینگ عالی تعلیم وزیرلیگی حاضرگچه دعوت بیلیم یورتیگه ینگی رهبریت هیاتی تعیینلنگنی و بو قرارنینگ سببلری حقیده ایضاح بېرمهگن.
بو حالت طالبان اوّلراق خصوصی «خاتمالنبیین» بیلیم یورتینینگ فعالیتینی هم تۉختهتگن بیر پیتگه تۉغری کېلماقده.
