طالبان کابلدهگی کرلر انستیتوتیده ۱۲ یاشدن کتّه قیزلرنینگ تعلیم آلیشینی تۉختهتدی
۸صبح، کابل: منبعلر معلوم قیلیشیچه، طالبان کابل شهریدهگی کرلر مسلکی انستیتوتیده ۱۲ یاشدن کتّه قیزلرنینگ تعلیم آلیشینی تۉختهتگن.
منبعلر سهشنبه کونی، ۲۴-سنبله، ۸صبح گزېتهسیگه بېرگن صحبتیده طالباننینگ تخنیکی و کسب-هنر تعلیمی باشقرمهسی بیلدیریشنامه چیقریب، اوشبو انستیتوتده ۱۲ یاشدن کتّه قیزلرنینگ تعلیم آلیشی ایکّینچی فرمایشگچه تۉختهتیلگنینی معلوم قیلگنینی تصدیقلهدی.
۸صبح گزېتهسی قۉلیگه یېتیب کېلگن بیلدیریشنامه متنیده اَیتیلیشیچه، بو قرار طالباننینگ تخنیکی و کسب-هنر تعلیمی باشقرمهسینینگ آغزهکی کۉرسهتمسی اساسیده قبول قیلینگن.
طالبان، شونینگدېک، اوشبو بیلدیریشنامهده عایلهلردن ۱۲ یاشدن کتّه قیزلرینی مذکور انستیتوتگه یوبارمسلیکنی سۉرهگن.
بو کۉرسهتمه طالبان بوندن آلدین هم آلتینچی صنفدن یوقاری صنفلرده قیزلرنینگ تعلیم آلیشینی ایکّینچی فرمایشگچه تقیقلب، بیلیم یورتلر، انستیتوتلر و تعلیم مرکزلری اېشیکلرینی عیاللر و قیزلر اوچون یاپگن بیر پیتده چیقریلماقده.
