زلنسکی دموکرا‌تلر‌نینگ غلبه‌سی امریکا‌نینگ اوکراین‌گه یاردمی آرتیشیگه آلیب کېلیشیدن امید قیلماقده
اوکراین جمهور باشلیغی ولادیمیر زلنسکی، امریکاده بۉلیب اۉتگن آره‌لیق سیلاولرده دموکرا‌تلر‌نینگ غلبه قازانیشی واشنگتن‌نینگ روسیه‌گه قرشی اوروشده کی‌یفنی قۉللب-قوّتلشینی کوچه‌یتیریشیگه امید بیلدیردی.
آناتولی اخبارات آژانسی، پنج‌شنبه کونی، ۵ نوامبر، خبر بېریشیچه، زلنسکی امریکاده‌گی سیلاو نتیجه‌لرینی آلقیشلب، اوشبو اۉزگریشلر اوکراین منفعتلریگه خدمت قیلیشیگه امید قیله‌یاتگنینی اَیتگن.
زلنسکی شونینگدېک، جمهوریت‌چیلرگه هم منّتدارلیک بیلدیرگن، بیراق دموکرا‌تلر اوکرایننی قۉللب-قوّتلش و بو مملکتگه یاردم کۉرسه‌تیش باره‌سیده انیقراق مناسبت‌گه اېگه اېکنینی تأکیدله‌گن.
او دموکرا‌تلر‌نینگ امریکا و اروپا اۉرته‌سیده‌گی مناسبتلرنی قَیته مستحکملش باره‌سیده‌گی مناسبتینی هم آلقیشلب، کوچلر نسبتیده‌گی ینگی موازنت اوکراین‌گه یاردم‌نینگ آرتیشیگه آلیب کېلیشیگه امید بیلدیرگن.
اوکراین جمهور باشلیغی امریکا کانگرسی‌نینگ کی‌یف گه مالیوی و حربی یاردمی، اروپا کۉرسه‌ته‌یاتگن یاردم کبی، دوام اېتسه، بو روسیه جمهور باشلیغی پوتین‌گه تأثیر کۉرسه‌تیشی ممکنلیگینی قۉشیمچه قیلگن.
