کابلده خصوصی بیلیم یورتی اۉقیتووچیسی طالبان تامانیدن حبسگه آلیندی
۸صبح، کابل: منبعلر‌نینگ خبر بېریشیچه، خصوصی بیلیم یورتیلردن بیری‌نینگ اۉقیتووچیسی، دین محمد جاوید، کابل شهریده طالبان استخباراتی تامانیدن حبسگه آلینگن.
منبعلر یکشنبه کونی، ۲۴-عقرب، ۸صبح گزېته‌سیگه بېرگن صحبتیده اوشبو یازووچی و بیلیم یورتی اۉقیتووچیسی ایکّی کون اوّل کابل غربیده‌گی اۉز اوییدن طالبان تامانیدن آلیب کېتیلگنینی تصدیقله‌دیلر.
منبعلرگه کۉره، طالبان استخباراتی اونی نامعلوم جایگه آلیب کېتگن و حاضرگچه اوشبو اۉقیتووچی‌نینگ تقدیری حقیده هېچ قنده‌ی معلومات یۉق.
دین محمد جاوید‌نینگ حبسگه آلینیش سببی و مقصدی حاضرچه نامعلوم.
بو شونده‌ی بیر پیتده یوز بېرماقده‌کی، طالبان سۉنگگی بېش ییل ایچیده کۉپلب اۉقیتووچیلر، مدنی فعاللری و یازووچیلرنی تورلی سببلرگه کۉره حبسگه آلیب، قییناققه سالگن.
