افغانستان عیاللر فوتبال جماعه‌سی سورگونده ایلک بار فیفا تورنمنتی‌ده میدان‌گه توشدی
۸صبح، کابل: سورگونده‌گی افغانستان عیاللر فوتبال جماعه‌سی، یکشنبه کونی (FIFA Unites: Women’s Series) تورنمنتی‌ده‌گی بیرینچی اۉیینیده چاد جماعه‌سیگه ۶-۱ حسابیده یوتقزدی.
رویترز، ۵- عقرب، دوشنبه کونی، خبر بېریشیچه، بو اۉیین طالبان تامانیدن عیاللر سپورتی تعقیقلنگندن سۉنگ ییللر دوامیده اۉینش امکانیدن محروم بۉلگن فوتبالچیلر اوچون میدان‌گه قیتیش نینگ اۉزی بیر غلبه بۉلگن.
افغانستانده، ۲۰۲۱-ییل‌ده طالبان حاکمیتگه کېلگنیدن بویان عیاللر سپورتی تعقیقلنگن و کۉپلب فوتبالچیلر تعقیب و چېکلاولردن قاچیش اوچون مملکتنی ترک اېتیشگن.
فیفا تامانیدن می آییده سورگونده‌گی افغان عیاللر فوتبال جماعه‌سی تشکیل اېتیلگنیدن سۉنگ، «پائولین هامیِل» باش مربی اېتیب تعیینلندی. فیفا بیلن مصلحتلشگن حالده، جماعه اۉزی نینگ رسمی نامینی «افغان عیاللر بیرلیگی»دېب تنله‌گن.
طالبان حاکمیتنی اېگه‌للشیدن آلدین، افغانستان عیاللر فوتبال جماعه‌سیده ۲۵ نفر شرطنامه اساسیده‌گی اۉیینچی بار اېدی، اولر نینگ اکثریتی حاضر آسترالیاده یشه‌ماقده.
سورگونده‌گی افغان عیاللر جماعه‌سی نوبتده‌گی اۉیینینی چهارشنبه کونی تونس‌گه قرشی، سۉنگره شنبه کونی لیبی بیلن اۉتکزه‌دی.
ایتیش کیره‌ک، مذکور تورنمنت مراکش‌ده فیفا تامانیدن اۉتکزیلماقده.
