بیرلشگن ملتلر تشکیلاتی‌نینگ عیاللر بۉلیمی: زلزله و چېگره ماجرالری‌نینگ عاقبتلری افغانستان عیاللریگه تأثیر کۉرسه‌تماقده
۸صبح، کابل: بیرلشگن ملتلر تشکیلاتی‌نینگ عیاللر بۉلیمی (UN Women) افغانستان شرق‌ده‌گی عیاللر و قیزلر ۲۰۲۵-ییلگی زلزله عاقبتلری همده پاکستان و طالبان اۉرته‌سیده‌گی قَیته باشلنگن تۉقنه‌شوولری سبب آغیر انسانپرورلیک شرایطیگه دوچ کېله‌یاتگنینی معلوم قیلدی.
اوشبو تشکیلات پنج‌شنبه کونی، ۲۱ جوزا، خبر بېریشیچه، پاکستان و افغانستان چېگره‌سی بۉیلب کوچه‌یگن تۉقنه‌شوولر-هوا هجوملری، اۉق اوزیشلر، درون هجوملری و قوروقلیکده‌گی اوروشلر شرقی افغانستانده کېنگ کۉلملی اهالی کۉچیشیگه سبب بۉلگن.
بیرلشگن ملتلر تشکیلاتی‌نینگ عیاللر بۉلیمی معلوماتیگه کۉره، بو حادثه‌لر نتیجه‌سیده ۱۰۰ مینگدن آرتیق آدم اۉز اویینی تشلب کېتیشگه مجبور بۉلگن.
تشکیلات قۉشیمچه قیلیشیچه، عیاللر و قیزلر طالبان نظارتی آستیده اولرنینگ اېرکین حرکتی و حقوقلریگه قۉییله‌یاتگن آرتیب باره‌یاتگن چېکلاولردن تشقری، اېندی دایمی خوفسیزلیکسیز و کېتمه-کېت انقراضلر عاقبتلری بیلن هم یوزلشماقده.
بیرلشگن ملتلر تشکیلاتی آگاهلنتیریشیچه، ضرر کۉرگن حدودلرده تخمیناً ۵۰ مینگ کیشی جنسگه اساسلنگن زۉرآورلیک خوفی آستیده قالگن و عیاللر نینگ ساغلیقنی سقلش همده اساسی خدمتلردن فایده‌لنیشی جدّی چېکلنگن.
بیرلشگن ملتلر تشکیلاتی‌نینگ عیاللر بۉلیمی شونینگدېک، حامله‌دار عیاللر بو شرایطده ینه‌ده کتّه خوفلرگه، جمله‌دن آچلیک و طبی خدمت یېتیشمسلیگیگه دوچ کېله‌یاتگنینی و اولرگه زودلیک بیلن انسانپرورلیک یاردمی ضرورلیگینی تأکیدله‌گن.
