طالبان قانونی حجتلر موجود بۉلیشیگه قره‌مه‌ی، ننگرهارده اهالی‌نینگ اویلرینی مجبورا بۉشه‌تتیرگن
۸صبح، ننگرهار: ننگرهار‌ده‌گی محلی منبعلر جلال‌آباد شهریده‌گی «انگورباغ» حدودیگه طالبان جنگریلری باستیریب کیرگنی و اهالی‌نینگ اویلرینی مجبورا بۉشه‌تتیرگنی حقیده خبر بېردی.
منبعلر شنبه کونی، ۱۸-مېزان، ۸صبح گزېته‌سیگه بېرگن معلوماتیده طالبان جنگریلری بوگون توش پیتی جلال‌آباد شهری‌نینگ تۉرتینچی ناحیه‌سیده‌گی «انگورباغ» حدودیده کمیده ۴۰ ته اوینی کوچ بیلن بۉشه‌تتیرگنینی تصدیقله‌گن.
منبعلر‌نینگ اَیتیشیچه، محلی اهالی قانونی حجتلر و شرعی آلدی-ساتدی حجتلریگه اېگه بۉلیشیگه، شونینگدېک، قریب ۴۰ ییلدن بېری اوشبو حدودده یشه‌ب کېلیشیگه قره‌مه‌ی، طالبان تامانیدن اویلرینی بۉشه‌تایش حقیدگی بویروققه دوچ کېلگن.
منبعلر‌نینگ تأکیدلشیچه، طالبان اهالی‌نینگ ملک حقوقینی تصدیقلاوچی حجتلرینی انابتگه آلمسدن، اوشبو حدودده‌گی یېرلرنی طالبان قیزیل یریم آی باشقرمه‌سی رهبری شهاب‌الدین دلاور‌نینگ یقینلریدن بیری بۉلگن کۉچمنچی بیر شخص‌نینگ خصوصی ملکی دېب حسابله‌گن و اویلرنی بۉشه‌تیش حقیده بویروق بېرگن.
منبعلر حاضرده یوزلب محلی اهالی، جمله‌دن، عیاللر و باله‌لر آچیق هواده، ناانیق و ناچار احوالده قاله‌یاتگنینی تأکیدله‌ماقده.
