طالبان و ایران چېگره باجخانهلرنینگ ۲۴ ساعتلیک فعالیتی بۉییچه کېلیشیب آلدی
۸صبح، کابل: طالبان مالیه وزیرلیگی اوشبو گروهنینگ مالیه وزیری محمد ناصر آخوند ایرانگه رسمی تشریفی چاغیده اوشبو مملکت تشقی ایشلر وزیری سید عباس عراقچی بیلن اوچرهشگنینی معلوم قیلدی.
وزیرلیکنینگ یکشنبه کونی، ۲۴-عقرب، بیلدیریشیچه، اوشبو اوچرهشووده ایکّی تامان، چېگره باجخانهلرنینگ ۲۴ ساعتلیک فعالیتی و چېگره اۉتکزیش یۉللری ظرفیتینی آشیریش بۉییچه کېلیشووگه اېریشگن.
طالباننینگ سۉزلریگه کۉره، اوچرهشووده ابو نصر فراهی باجخانهسینینگ چېگره آست-قورمهسینی رواجلنتیریش و اونی قَیته تیکلش جریانینی تېزلشتیریش مسالهلری هم محاکمه قیلینگن.
اقتصادی همکارلیک بۉییچه قۉشمه کمیسیوننینگ نوبتدهگی ییغیلیشینی اۉتکزیش همده دوغارون، ماهیرود و میلک چېگرهلرینینگ ظرفیتینی آشیریش اوشبو اوچرهشووده محاکمه قیلینگن باشقه موضوعلردن بیری بۉلدی.
شونینگدېک، عراقچی ایراننینگ اوشبو گروه بیلن اقتصادی و سیاسی ساحهلرده همکارلیک قیلیشیگه ایشانتیردی.





