یونسکو تینچلیکنی تامینلشده تعلیمنینگ رۉلیگه اورغو بېردی
بیرلشگن ملتلر تشکیلاتینینگ تعلیم، فن و مدنیت مسالهلری بۉییچه تشکیلاتی (یونسکو) اۉز تشکیل تاپگنینینگ ۸۰ ییللیگی مناسبتی بیلن تینچلیکنی تامینلشده تعلیم، فن و مدنیتنینگ اۉرنی مهم اېکنینی تاکیدلهدی.
اوشبو تشکیلات یکشنبه کونی، ۱۶-نوامبر، اعلان قیلگن بیاناتیده تشکیل اېتیلگنیدن بویان مملکتلر اۉرتهسیده بیلیم، ملاقات و همکارلیک آرقهلی تینچلیکنی ترغیب قیلیش اوچون حرکت قیلیب کېلهیاتگنینی معلوم قیلدی.
تشکیلات سکّیز اۉن ییللیک اۉتگنیگه قرهمهی، اۉز ماموریتینی همان دالضرب و مهم اهمیتگه اېگه اېکنینی تاکیدلهدی.
یونسکو شونینگدېک، اوشبو دور مابینیده مدنی و طبیعی میراثنی محافظه قیلگنینی، سۉز اېرکینلیگی و صفتلی تعلیمنی قۉللب-قوّتلهگنینی همده علم-فننی انسانیت خدمتیگه یۉنهلتیرگنینی بیلدیردی.
یونسکو ۱۹۴۵-ییل ۱۶-نوامبرده تشکیل اېتیلگن بۉلیب، اونینگ نظامی ۱۹۴۶-ییل ۴-نوامبرده کوچگه کیرگن.
حاضرده اوشبو تشکیلاتگه ۱۹۴ ته دولت اعضا بۉلیب، اونینگ ماموریتینی تینچلیک و خوفسیزلیکنی تامینلشگه یاردملشیش مقصدیده تعلیم، فن، مدنیت و اخبارات ساحهلریده خلقارا همکارلیکنی مستحکملشدن عبارت.





