ایران: افغانستانده مخدره مادّهلر یېتیشتیریش ینه کۉپهیدی
۸صبح، کابل: ایراننینگ مخدره مادّهلرگه قرشی کورهش بۉلیمینینگ باش کاتبی حسین ذوالفقاری افغانستانده مخدره مادّهلر یېتیشتیریش ینه کۉپهیگنینی معلوم قیلدی.
ایران عاموی اخبارات واسطهلری یکشنبه کونی، ۲۴-عقرب خبر بېریشیچه، ذوالفقاری اوشبو بیاناتنی تهرانده عمان اېلچیسی یعرب بن قحطان البوسعیدی بیلن اوچرهشووده بیلدیرگن.
اونینگ قۉشیمچه قیلیشیچه، طالبان تامانیدن مخدره مادّهلر یېتیشتیریش تقیقلنگنیگه قرهمهی، بو جریان بیر نېچه ییللیک پسهییشدن سۉنگ ینه آرتگن.
ذوالفقاری مخدره مادّهلر یېتیشتیریش و قاچاق اېتیلیشینی خلقارا معما دېب اتهب، اوندن کېلهدیگن تهدید اوروشلردن هم کتّهراق اېکنینی اَیتگن.
اونینگ سۉزلریگه کۉره، بیرلشگن ملتلر تشکیلاتینینگ مخدره و جنایتچیلیک بۉییچه باشقرمهسینینگ سۉنگگی حساباتی هم افغانستانده مخدره مادّهلر یېتیشتیریش کۉپهیگنینی تصدیقلهیدی.
اوشبو باشقرمه اوّلراق افغانستانده کۉکنار یېتیشتیریش اۉتگن ییلگه نسبتاً ۳۳۰ فایزگه، تریاک ایشلب چیقریش اېسه ۴۰۰ فایزگه آشگنی حقیده خبر بېرگن اېدی.





