«جهانی اعتراض»؛ کانادا کلگری شهری ده اعتراضچیلر طالبان باشلیغ‌لری محکمه بولیشنی سوره‌دیلر
دنیا بۉیلب «افغانستان ده هزاره‌لر نینگ نسل کُش‌لیگی و جنسیتی آپارتاید» گه قرشی اعتراض‌لر دوام اېتماقده اېکن، کانادا نینگ کلگری شهری ده افغان قاچقین‌لریدن بیرقطاری اعتراض قیلگنلر.
اعتراضچیلر ۱-دلو، یک‌شنبه کونی، بیر قطع‌نامه ترقه‌تیش بیلن خلق‌ارا جنایی محکمه تامانیدن طالبان باشلیغ‌لری محکمه گه تارتیلیشینی سوره‌گنلر.
اۉلر نینگ قطع‌نامه‌سیده کېلیشیچه، هزاره‌لر افغانستان نینگ بومی قوم‌لریدن بېری دیر و بو مملکت نینگ تۉرت دن بیر قمسینی تشکیل بېره‌دیلر، بیراق «بیر یریم سنه» دن بېری «آنه یۉرت‌لری ده نسل کُش‌لیک» بولماقده‌لر.
اۉلر گه کوره، بو سیاست طالبان حاکمیتیدن کیېن کوچه‌یگن و هزاره‌لر ېنه بیر مراتبه «زنجیره‌وی و سیستمه‌تیک قتللر» گواهی بولگن.
اعتراضچیلر قطع‌نامه‌لریده بیرلشگن ملتلر تشکیلاتی و دنیا همجمعیت دن «هزاره‌لر نینگ نسل کُش‌لیگی» نی تن آلیب و بو توغریده تدقیقاتی تیم‌لرینی شکللنتیریشنی سۉره‌گنلر.
اعتراضچیلر نینگ اېستک‌لریدن باشقه بېری، بیرلشگن ملتلر تشکیلاتی و دنیا همجمعیت طالبان بیلن «مثبت تعاملی» گه تېزلیک بیلن چېک قویېش دیر.
اولر، بیرلشگن ملتلر تشکیلاتی دن افغانستان نینگ حاضرگی انقراض دن قوتقریش اوچون چېزگن خریطه‌لری ده، «هزاره‌لر نینگ قرار قبول قیلیش برچه ساحه‌لر ده قومی کم‌سېتیش قربانی اوله‌راق اولر نینگ حضوری گه زمینه یره‌تیشنی اېسته‌گنلر.»
اېتیش کېره‌ک اۉتگن کون امریکا، ایتالیا، فرانسه، سویدن، جرمنی و بیر قطار مملکت‌لرده افغانستان‌لیک یۉزلب فقرا، طالبان حاکمیتیده «هزاره‌لر نینگ نسل کُش‌لیگی» و «جنسیتی آپارتاید» گه قرشی اعتراض قیلگنلر.
اۉلر افغانستان ده هزاره‌لر نینگ نسل کُش‌لیگی گه چېک قوییلیب و عیاللر نینگ حقوقی تامین ایتیلیشینی سۉره‌گنلر.