سویس‌ده اۉزبېک تیلی ملی کونیگه بغیشلنگن علمی-ادبی ییغین بۉلیب اۉتدی
۸صبح، کابل: سویس‌نینگ زوریخ شهریده اۉزبېک تیلی ملی کونی مناسبتی بیلن علمی-ادبی ییغین بۉلیب اۉتدی.
افغانستان تورکلری اویوشمه‌سی (ساتما) یک‌شنبه کونی، ۳ عقرب، اوشبو ییغین‌گه مېزبانلیک قیلدی.
ییغین‌ده، دنیا‌نینگ تورلی مملکتلریدن بیر قطار اۉزبېک یازووچیلری و شاعرلری هم اشتراک اېتدیلر.
تدبیرده اۉزبېک تیلی ملی کونی نشانلنیشی بیلن بیرگه، بېش نفر تنیقلی یازووچی‌نینگ آلتی عنوان کتابی تقدیماتی هم بۉلیب اۉتدی.
اوشبو ییغیلیشده عبدالحکیم شرعی جوزجانی قلمیگه منسوب «امام بخاری و زمان ماجرالری»، بسم‌الله توردیقل میمنگی یازگن «کېسکین قلم» همده شفیقه یارقین دیباج‌نینگ «جیملیک شاوقینی و اۉیلر شاده‌سی» کتابلری تقدیم اېتیلدی.
شونینگدېک، حلیم یارقین‌نینگ «فولکلور خزینه‌سیدن» و محمد امین متین اندخویی قلمیگه منسوب «معنالر باغی» کتابلری هم تدبیرده تنیشتیریلدی.
انجمن اشتراکچیلری تورک-اۉزبېک تیلی و ادبیاتی، شونینگدېک، تقدیم اېتیلگن کتابلر‌نینگ مضمونی حقیده فکر المشدیلر.
