یونیسف: اۉزبېکستاندن افغانستانگه انسانپرورلیک یاردملرینی یېتکزیش دوام اېتماقده
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) اۉزبېکستان‌نینگ ترمذ شهریدن افغانستانگه حیاتی مهم انسانپرورلیک یاردملرینی یېتکزیشگه یاردم‌لشه‌یاتگنینی معلوم قیلدی.
اوشبو تشکیلات یک‌شنبه کونی، ۳ عقرب، خبر بېریشیچه، ترمذ مرکزی افغانستانگه آزیق-طعام، دوالش واسطه‌لری و ضرور دارو-درمانلرنی یېتکزیب بېریش‌نینگ اوزلوکسیز دوام اېتیشیده مهم رۉل اۉینه‌ماقده.
یونیسف قۉشیمچه قیلیشیچه، میلیونلب باله‌لر تۉییب-آوقت‌لنمسلیک خوفی بیلن یوزمه-یوز توریبدی. اوشبو محصولاتلرنی اۉز وقتیده یېتکزیش باله‌لر و عایله‌لر‌نینگ احتیاجلرینی قاندیریشده حیاتی اهمیتگه اېگه.
بیرلشگن ملتلر تشکیلاتی‌نینگ باله‌لر جمغرمه‌سی مذکور مرکز افغانستاندهگی یاردمگه محتاج باله‌لر و عایله‌لرگه حیات سقلب قالووچی یاردملرنی یېتکزیش جریانینی دوام اېتتیریشده مهم ا‌ۉرین توتیشینی تأکیدله‌دی.
بو یاردملر یونیسېف بوندن اوّل افغانستانده ۳،۷ میلیون باله تۉییب-آوقت‌لنمسلیکدن اذیت چېکه‌یاتگنینی، اولردن قریب بیر میلیون نفری اېسه آغیر و حیات اوچون خوفلی درجه‌ده‌گی تۉییب-آوقت‌لنمسلیک حالتیگه دوچ کېلگنینی معلوم قیلگن بیر پیتده عملگه آشیریلماقده.
