اوچا: خاتین-قیزلرگه قرشی چېکلاولر افغانستانده یاردم یېتکزیش جریانیگه تۉسقینلیک قیلماقده
۸صبح، کابل: بیرلشگن ملتلر تشکیلاتی‌نینگ انسانپرورلیک یاردمنی موافقلشتیریش اداره‌سی (اوچا) اَیتیشیچه، عیال خادملرگه قۉییلگن چېکلاولر و یاردم کۉرسه‌تیش فعالیتیگه اره‌لشوولر افغانستانده انسانپرورلیک یاردمیدن فایده‌لنیش امکانیتلرینی ایزدن چیقرماقده.
اوشبو تشکیلات یک‌شنبه کونی، ۳ عقرب، انسانپرورلیک یاردمی بۉییچه همکارلر سپتمبر آییده افغانستانده انسانپرورلیک یاردمدن فایده‌لنیشگه تۉسقینلیک قیلووچی ۳۰ ته حالتنی قید اېتگنینی معلوم قیلگن.
اوچا معلوماتیگه کۉره، بو کۉرسه‌تکیچ اگوست آییگه نسبتاً ۲۷ فایزگه کمه‌یگن. بیراق، قید اېتیلگن حادثه‌لر سانی‌نینگ کمه‌ییشی وضعیت یخشیلنگنینی انگله‌تمه‌یدی، چونکه اَیریم حادثه‌لر حقیده خبر بېریلمه‌گن بۉلیشی ممکن.
حساباتگه کۉره، قید اېتیلگن حادثه‌لر‌نینگ ۱۸ ته سی انسانپرورلیک فعالیتیگه اره‌لشیش بیلن باغلیق بۉلگن، ینه تۉرتته‌سی اېسه اطراف-محیط و جسمانی شرایطلر بیلن علاقه‌دار بۉلگن.
اوچا حربی عملیاتلر، دوام اېته‌یاتگن تۉقنه‌شوولر، انسانپرورلیک یاردم خادملریگه نسبتاً زۉرآورلیک همده یاردم تشکیلاتلری خادملری‌نینگ حبسگه آلینیشی هم یاردم کۉرسه‌تیش فعالیتیگه تۉسقینلیک قیله‌یاتگنینی قۉشیمچه قیلگن.
اوشبو تشکیلات، شونینگدېک، افغانستان‌نینگ تۉرتته تومنیده انسانپرورلیک یاردمیدن فایده‌لنیش امکانیتلری جدّی چېکلنگنینی بیلدیرگن.
اداری و دستوری اره‌لشوولر، عیال یاردم خادملری همده یاردم آلووچیلرگه قۉییلگن چېکلاولر اوشبو وضعیت‌نینگ اساسی عامللری صفتیده کۉرسه‌تیلگن.
