هرات‌ده «سرسبز یاشلر فاریاب» فوتبال جماعه‌سی نینگ اۉیینچیسی فرهاد عادل نینگ آسیلگن جسدی تاپیلدی
۸صبح، کابل: اۉتگن فصل‌نینگ «سرسبز یاشلر فاریاب» فوتبال جماعه‌سی کپتانی احمد فرهاد عادل نینگ آسیلگن جسدی هرات ولایتیده تاپیلدی.
فاریاب‌ده‌گی «سرسبز یاشلر فاریاب» فوتبال جماعه‌سی،۲- قوس، یکشنبه کونی کېچقورون بېریلگن بیانات آرقه‌لی فوتبالچی نینگ اۉلیمینی تصدیقله‌دی.
کلوپ بیاناتیگه کۉره، فرهاد عادل سرلی روشده اۉلدیریلگن و جسدی کېین آسیلگن.
«سرسبز یاشلر فاریاب» جماعه‌سی، بو ایشنی حقیقتنی آچیب بېریش و قاتل‌لرنی انیقلش اوچون چوقور و هر تامانلمه تېکشیروو ضرورلیگینی قۉشیمچه قیلگن.
فرهاد عادل نینگ اۉلیمی قنده‌ی یوز بېرگنی حقیده انیق معلوماتلر حاضرچه معلوم اېمس.
او اېرته‌گه مملکت نینگ فوتبال قهرمانلر لیگی دایره‌سیده‌گی اۉیینلرده «سرسبز یاشلر فاریاب» جماعه‌سینی قۉللب-قوتلشی رېجه‌لشتیریلگن اېدی.
فرهاد عادل فوتبالنی، ۱۰ یاشی‌ده «سرسبز یاشلر فاریاب» جماعه‌سیده باشله‌گن و ایلگری افغانستان نینگ قهرمانلر لیگیده «توفان هریرود» و «سیمرغ البرز» جماعه‌لریده اۉینه‌گن.
شونینگدېک، او «سرسبز یاشلر فاریاب»، بلخ امنیه قومندالیگی، «سرخ پوشان هرات»، «هرات صرافان» و «اتفاق هرات» جماعه‌لریده هم فعالیت یوریتگن.