طالبان قندهارده جماعت انشااتلری اوچون اجره‌تیلگن یېرنی مدرسه قوریلیشیگه تاپشیردی
۸صبح، قندهار: محلی منبعلر‌نینگ اَیتیشیچه، طالبان قندهار شهریده‌گی ۷۰۰ جریب میدانگه اېگه یېرده مدرسه، مسجد و کتابخانه قورماقده. اوشبو یېر سابق حکومت دوریده دولت اداره‌لری و جماعت انشااتلرینی برپا اېتیش اوچون اجره‌تیلگن اېدی.
منبعلر شنبه کونی، ۹ عقرب، ۸صبح گزېته‌سیگه بېرگن صحبتیده اَیتیشیچه، طالبان رهبری ملا هبت‌الله سابق حکومت‌نینگ اوشبو یېرگه عاید رېجه‌سینی بېکار قیلیب، او یېرده دینی مدرسه قوریش حقیده بویروغ بېرگن.
منبعلرگه کۉره، مذکور یېر ایلگری دولت اداره‌لری، زمانوی جهازلنگن شفاخانه، دَم آلیش مسکنلری و یشیل حدود برپا اېتیش اوچون اجره‌تیلگن اېدی.
منبعلر قۉشیمچه قیلیشیچه، سابق حکومت‌نینگ اوشبو لایحه‌سیگه عاید حجتلر و معلوماتلر، احتمال، حاضر هم طالبان‌نینگ قندهارده‌گی شهر حاکمیتی و شهرسازلیک باشقرمه‌سیده موجود.
شو بیلن بیرگه، قندهار‌نینگ بیر قطار اهالیسی اجتماعی ترماقلرده ملا هبت‌الله‌دن بو قراریدن واز کېچیشنی و مذکور یېرنی جماعت منفعتیگه خدمت قیله‌دیگن انشااتلر قوریش اوچون اجره‌تیشنی سۉره‌گن.
عینِ پیتده، بیر نېچه کون آلدین منبعلر ۸صبح گزېته‌سیگه ملا هبت‌الله اوشبو حدودده ۳۸ میلیارد افغانی مبلغ حسابیگه بیر قطار دینی انشااتلر قوریشنی رېجه‌لشتیره‌یاتگنینی اَیتگن اېدی.
