خلق‌ارا اۉقیتووچیلر کونی؛ یونسکو اۉقیتووچیلرنی قۉللب-قوّتلشگه اورغو بېردی
بیرلشگن ملتلر تشکیلاتی‌نینگ تعلیم، فن و مدنیت مسأله‌لری بۉییچه تشکیلاتی (یونسکو) خلق‌ارا اۉقیتووچیلر کونی مناسبتی بیلن اۉقیتووچیلرنی قۉللب-قوّتلش و اولر‌نینگ کسبی موقعینی یخشیلشگه اورغو بېردی.
یونسکو دوشنبه کونی، ۵ اکتوبر، دنیا بۉیلب اۉقیتووچیلر رقملی تکنالوژی‌لر، اقلیم اۉزگریشی، مهاجرت و کۉچیشگه مجبور بۉلیش کبی معمالرگه دوچ کېله‌یاتگنینی معلوم قیلدی.
اوشبو تشکیلات‌نینگ اَیتیشیچه، اۉقیتووچیلر اۉز وظیفه‌لرینی یخشیراق بجریشلری اوچون کۉپراق قۉللب-قوّتلش، مناسب محنت شرایطلری و مناسب کسبی موقعگه محتاج.
جهان اۉقیتووچیلر کونی هر ییلی ۵-اکتوبرده نشانلنه‌دی. بو ییل خلق‌ارا ایش تشکیلاتی و یونسکو‌نینگ اۉقیتووچیلر‌نینگ مقامی تۉغریسیده‌گی توصیه‌سی قبول قیلینگنیگه ۶۰ ییل تۉلماقده.
اوشبو کون خلق‌ارا محنت تشکیلاتی، یونیسف و خلق‌ارا تعلیم تشکیلاتی همکارلیگیده اۉتکزیله‌دی.
