بیرلشگن ملتلر تشکیلاتی: ۲۰۶۰-ییلگه کېلیب افغانستان وطنداشلری‌نینگ یریمی شهرلرده یشه‌یدی
۸صبح، کابل: بیرلشگن ملتلر تشکیلاتی‌نینگ انسان یشش جایلری دستوری (UN-Habitat) ۲۰۶۰-ییلگه کېلیب افغانستان‌نینگ هر ایکّی وطنداشیدن بیری شهرلرده یشه‌شی ممکنلیگینی معلوم قیلدی.
اوشبو تشکیلات دوشنبه، ۱۳ میزان کونی ایکس صحیفه‌سیده جهان انسان یشش جایلری کونی شهرلرده‌گی موجود امکانیتلر و معمالرنی اېسگه آلیش اوچون بیر امکانیت اېکنینی یازدی.
بیرلشگن ملتلر تشکیلاتی افغانستان شهرلری جدل سرعتلرده کېنگه‌ییب باره‌یاتگنی و مملکتده شهرلشیش جریانی کېلگوسی ییللرده هم دوام اېتیشینی بیلدیردی.
تشکیلات شونینگدېک، شهر اهالیسی سانی‌نینگ آرتیشی افغانستان اوچون کتّه اۉزگریشلرنی یوزه‌گه کېلتیریشینی و بو جریاننی باشقریش اوچون کۉپراق چاره کۉریش همده سرمایه کیریتیش ضرورلیگینی تأکیدله‌دی.
بیرلشگن ملتلر تشکیلاتی‌نینگ انسان یشش جایلری دستوری شهرلرگه کۉپراق سرمایه کیریتیش ضرورلیگینی تأکیدلب، شونده‌‌گینه شهرلشیش کېنگ قمراولی اۉسیش اوچون زمینه یره‌تیشی ممکنلیگینی بیلدیردی.
