مسکو فرمت‌نینگ سکّیزینچی ییغیلیشی باشلندی؛ لاوروف: افغانستان و منطقه‌ده ناتونینگ موجودلیگینی قبول قیلمه‌یمیز
۸صبح، کابل: روسیه تشقی ایشلر وزیری سرگی لاوروف، «فرمت مسکو»نینگ سکّیزینچی ییغیلیشیده مملکتی افغانستان و اوشبو مملکتگه قۉشنی دولتلرده ناتونینگ حربی موجودلیگینی قبول قیلمسلیگینی اَیتدی.
لاوروف دوشنبه کونی، ۱۳ میزان، اوشبو ییغیلیشده ناتونینگ افغانستان و منطقه‌ده‌گی حربی موجودلیگی بې‌قرارلیککه و تۉقنه‌شوولر‌نینگ کوچه‌ییشیگه آلیب کېلیشی ممکنلیگینی اَیتدی.
روسیه تشقی ایشلر وزیری مسکو افغانستانگه انسانپرورلیک یاردم یوباریشنی دوام اېتتیریشینی تأکیدله‌دی.
اوشبو ییغیلیشده روسیه، ایران، هندوستان، قزاقستان، چین، قیرغیزستان، پاکستان، تاجیکستان و اۉزبېکستان وکیللری همده رسمیلری اشتراک اېتماقده.
افغانستان بۉییچه «مسکو فرمت»نینگ سکّیزینچی ییغیلیشی بوگون دوشنبه، ۱۳ میزان، منطقه مملکتلری‌نینگ مخصوص وکیللری و رسمیلری اشتراکیده مسکوده باشلندی.
افغانستاندهگی وضعیت و اونینگ اطرافیده‌گی واقعه‌لرنی، اینیقسه، سۉنگگی پیتلرده طالبان و پاکستان اۉرته‌سیده‌گی کېسکینلیکنی محاکمه قیلیش اوشبو ییغیلیش‌نینگ اساسی موضوعلریدن بیری صفتیده کۉرسه‌تیلگن.
