اۉزبېکستان یېتکرمه‌لری: افغانستاندن آلیب کیریلگن قریب ۶۰۰ کیلوگرام مخدره مادّه‌لر سرخان دریاده انیقلندی
۸صبح، کابل: اۉزبېکستان یېتکرمه‌لری افغانستاندن آلیب کیریلگن قریب ۶۰۰ کیلوگرام مخدره مادّه‌لر سرخان دریا ولایتیده انیقلنگنینی خبر قیلدی.
اۉزبېکستان‌نینگ «دریا» میدیا نشری خبر بېریشیچه، اوشبو مادّه‌لر یوک مو‌تری تیرکه‌مسی‌نینگ تگیگه یشیریلگن بۉلگن.
اۉزبېکستان باجخانه کمیته‌سی معلوماتیگه کۉره، افغانستاندن مملکتگه کیریب کېلگن بۉش یوک مو‌تری ۱-اکتوبر کونی ساعت ۱۰:۳۰ اطرافیده باجخانه خادملری تامانیدن تېکشیریلگن.
تېکشیروو دوامیده تیرکه‌مه‌‌نینگ تگیدن ۹۸ ته مخدره مادّه‌سی اۉره‌می تاپیلگن. شوندن ۷۹ ته اۉره‌مده ۴۲ کیلوگرام ۳۳۵ گرا‌م حشیش، قالگن ۱۹ ته اۉره‌مده اېسه ۱۰ کیلوگرام ۲۶۰ گرا‌م تریاک بۉلگن.
اوشبو اۉره‌ملر تیکشیروو قوریلمه‌لری آرقه‌لی انیقلشنی قیینلشتیریش مقصدیده تۉرت قبت پلاستیک، کاغذ و سکاتچ بیلن اۉره‌لگن.
انیقلنگن مخدره مادّه‌لری‌نینگ عمومی مقداری قریب ۳۴۰ مینگ دوز‌گه بهالنگن.
