یونیسف قیزلرنی اۉقیتیشده عیال اۉقیتووچیلر‌نینگ رۉلیگه اورغو بېردی
۸صبح، کابل: بیرلشگن ملتلر تشکیلاتی باله‌لرنی قۉللب-قۉتلش جمغرمه‌سی (یونیسف) خلق‌ارا اۉقیتووچیلر کونیده افغانستان قیزلرینی تعلیم و تربیه‌لشده عیال اۉقیتووچیلر‌نینگ رۉلی مهم اېکنیگه اورغو بېردی.
یونیسف‌نینگ افغانستان بۉلیمی دوشنبه کونی، ۱۳ میزان، افغان عیاللری اۉقیشنی دوام اېتتیریش و اۉقیتووچیلیک کسبیگه ایریشیش آرقه‌لی یاش قیزلر‌نینگ بیلیم و کۉنیکمه‌لرینی مستحکملشده مهم رۉل اۉینه‌شی ممکنلیگینی اَیتدی.
اوشبو تشکیلات اۉقیتووچیلر‌نینگ کېله‌جک اولادلرنی تربیه‌لشده‌گی رۉلینی قدرله‌گن حالده، افغانستان اۉقیتووچیلری اۉزلری‌نینگ «اشتیاقی، بیلیمی و صداقتی» بیلن کېله‌جک اولادلر‌نینگ رواجلنیشی و ترقی اېتیشی اوچون شرایط یره‌تیشینی قۉشیمچه قیلدی.
بو بیاناتلر طالبان حاکمیتگه قَیته کېلگنیدن سۉنگ عیاللر و قیزلر تعلیم، اۉقیش و بندلیک ساحه‌لریده تاباره کوچه‌ییب باره‌یاتگن چېکلاولرگه دوچ کېله‌یاتگن بیر پیتده ینگره‌ماقده.
