متقی امریکا نینگ طالبان گه نسبتن چېکلاولرینی «قصاص آلیش و شفقت‌سیزلیک» دیب اته‌گن
۸صبح، کابل: طالبان تشقی ایشلر وزیرلیگی سرپرستی امیرخان متقی، افغانستان حاضرگی کونده اقتصاد و ترانزیتی مرکز گه اېلنماقده‌لیگینی ادعا قیلگن.
متقی ۶ ثور، پنج‌شنبه کونی، کابل ده «افغان-قزاق» کورگزمه‌سیده نطق سۉزلب، امریکا نینگ طالبان گه نسبتن بانکی چېکلاولرینی «قصاص آلیش و شفقت‌سیزلیک» دیب اته‌گن.
اونینگ کوپه‌یتیریشیچه: «بیز نینگ خارجی و اقتصادی محور سیاستی‌میز اساسیده، افغانستان نینگ دنیا بویلب ۳۸ مملکتده سیاسی نماینده‌لیگی بار.»
طالبان باش وزیری نینگ سیاسی اۉرین باسری مولوی عبدالکبیر گه کوره، حاضرگی کونده بو گروه دنیا بویلب مملکت‌لر بیلن مناسبتینی کېنگه‌یتیرماقده دیر.
اونینگ کوپه‌یتیریشیچه: «افغانستان سیاست و اقتصاد میدانیده یوکسه‌لیشی گه قوشیمچه، صناعت و سوداگرلیک بولیمیده هم اېریم یوتوق‌لر گه قول تاپگن.»
ایتیش کېره‌ک که طالبان قدرت نی آلیشیدن سۉنگ، افغانستان نینگ قریب ییتّی میلیارد دالر سرمایه‌سی امریکا تامانیدن موزله‌تیلگن.
طالبان نیچه مراتبه بو پول آزاد اېتیلیشینی اېسته‌گن.
