شمالی کوریا امریکا نینگ اوکراین گه اوزاق مسافه نی اورهدیگن راکتهلرنی یوبارهیاتگنیدن تنقید قیلدی
شمالی کوریا یېتکرمهلری اوشبو مملکت مدافعه وزیرلیگی امریکا قۉشمه ایالتلریدن اوکراین گه اوزاق مسافه نی اورهدیگن راکتهلرنی یوبارهیاتگنی اوچون تنقید قیلگنی حقیده گزارش بیرگنلر.
بو وزیرلیک ۲۸ اپریل، یکشنبه کونی بیر بیانیه ترقهتیب یازیشیچه، امریکا سۉنگی هفتهلرده اوکراین گه روسیه بیلن اوروش ده قوللنیش اوچون یاشیرینچ طرزده اوزاق مسافه نی اورهدیگن راکتهلرنی یوبارگن.
شمالی کوریا مدافعه وزیرلیگی نینگ بیانیهسیده اوشبو وزیرلیک نینگ خارجی حربی ایشلر نی باشقریش مدیری دن نقل قیلینیب کېلیشیچه: «امریکا یاشیرینچ طرزده اوکراین گه اوزاق مسافه نی اورهدیگن راکتهلرنی یوبارگن که خلقارا همجمعیت نینگ خواطری گه سبب بولگن.»
او امریکا قۉشمه ایالتلری روسیه نینگ «باتور» اردوسی و خلقینی اوکراین گه زمانهوی قورال-یراغ یوباریش یا که حربی قۉللب-قوتلش بیلن مغلوب اېته آلمسلیگیدن آگاهلنتیرگن.
امریکا رسمیلری بوتوغریده حاضرگچه فکر-ملاحظه بیلدیرمهگن.
معلوماتلر اساسیده، پیونگیانگ و مسکو سۉنگی کونلرده حربی مناسبتلرینی مستحکم قیلیشگن.
بوندن آلدین امریکا قۉشمه ایالتلری شمالی کوریا نی اوکراین اوروشیده روسیه نی حربی قۉللب-قوتلش گه عیبلهگن اېدی.
اۉتگن ییل شمالی کوریا رهبری مسکو بیلن استراتیژیک همکارلیگینی کوچهیتیریش گه دایر وعدهلریدن سۉنگ، امریکا پیونگیانگ مسکو گه کوپراق قورال-یراغ یوباریش اوچون ریجه توزماقدهلیگینی اېتگندی.
شمالی کوریا دولتی اوشنده واشنگتن نینگ بو عیبلاولرینی رد اېتگن اېدی.