مژده اۉزبېک و اونینگ تورموش اۉرتاغی طالبان استخباراتی تامانیدن تخارده حبسگه آلیندی
۸صبح، تخار: تخاردن منبعلر‌نینگ اَیتیشیچه، شاعر، یازووچی و تورک ملتیگه منسوب معلم مژده اۉزبېک طالبان استخباراتی تامانیدن شعر یازگنی و افغانستاندن تشقریده‌گیلر بیلن علاقه‌ده بۉلگنی عیبلاوی بیلن اېری بیلن بیرگه حبسگه آلینگن.
بو منبعلر جمعه کونی، ۱۰ میزان کونی، ۸صبح گزېته‌سیگه اَیتیشیچه، اونینگ اېری بیر هفته‌دن سۉنگ طالبان قماغیدن آزاد قیلینگن، اما مژده اۉزبېک‌نینگ تقدیری حقیده حاضرچه معلومات یۉق.
معلوماتلرگه کۉره، مژده اۉزبېک‌نینگ اېری سابق حکومت حربیلریدن بۉلگن.
منبعلرگه کۉره، مژده اۉزبېک‌نینگ بېش فرزندی بار و او تخار ولایتی‌نینگ خواجه‌غار تومنیده‌گی هزارباغ حدودیده یشه‌یدی.
بو حالت طالبان بوندن آلدین هم مملکت‌نینگ تورلی حدودلریده شاعرلر، یازووچیلر و مدنیت اربابلرینی حبسگه آلگن بیر پیتده یوز بېرماقده.
شو بیلن بیرگه، طالبان تامانیدن یازووچیلر، مدنیت اربابلری و ژورنالیستلر‌نینگ حبسگه آلینیشده دوام اېته‌یاتگنی حقوق تشکیلاتلری و فعاللری‌نینگ اوشبو گروه حکمرانلیگی آستیده‌گی افغانستانده تنقیدی آوازلر‌نینگ باستیریلیشی کوچه‌ییشیدن خواطرلنیشیگه سبب بۉلماقده.
