اوچا: کمبغللیک و ایشسیزلیک هلمند اهالیسی اوچون اساسی تشویشلردن بیریدیر
۸صبح، هلمند: بیرلشگن ملتلر تشکیلاتی‌نینگ انسانپرورلیک مسأله‌لرنی موافقلشتیریش باشقرمه‌سی (اوچا) کمبغللیک، ایشسیزلیک، آزیق-آوقت خوفسیزلیگی و ساغلیقنی سقلش خدمتلریدن فایده‌لنیش امکانیتی‌نینگ چېکلنگنی هلمند ولایتی اهالیسی اوچون اساسی تشویشلردن اېکنینی معلوم قیلدی.
اوچا پنج‌شنبه کونی، ۹ میزان، ایکس اجتماعی ترماغیده معلوم قیلیشیچه، هلمند اهالیسی مذکور تشکیلات‌نینگ ولایتگه تشریفی چاغیده اوشبو معمالرنی کۉترگن.
مذکور تشکیلات‌نینگ اَیتیشیچه، اقتصادی معمالر و اساسی خدمتلردن فایده‌لنیش امکانیتی‌نینگ چېکلنگنی یقینده قَیتیب کېلگن مهاجرلر‌نینگ حیاتینی قَیته یۉلگه قۉییشینی ینه‌ده قیینلشتیرگن.
اوچا قۉشیمچه قیلیشیچه، اوشبو ولایتده‌گی قَیتیب کېلگنلر ایش تاپیش و حیاتی اساسی احتیاجلرینی تأمینلش باره‌سیده هم کۉپلب معمالرگه دوچ کېلماقده.
