«پولیودن بوش افغانستان» تشکیلاتی کمپاین‌نینگ برچه باسقیچلریده باله‌لرنی اېملشنی تأکیدله‌دی
۸صبح، کابل: «پولیودن بوش افغانستان» تشکیلاتی پولیوگه قرشی واکسین‌‌نینگ ایکّی تامچیسینی آلیش باله‌لر‌نینگ فلج ویروسی آلدیده‌گی خوفسیزلیگینی کوچه‌یتیریشی ممکنلیگینی تاکیدلب شو سببلی، بېش یاشگچه بۉلگن باله‌لرنی کمپاین‌نینگ هر بیر باسقیچیده اېملش ضرور دېب ایتدی.
اوشبو تشکیلات پنج‌شنبه کونی، ۹-مېزان، ایکس صحیفه‌سیده پولیوگه قرشی واکسین‌‌نینگ ایکّی کیچیک تامچیسی باله‌لرنی اوشبو ویروسدن حمایه قیلیش اوچون کتّه قلقان یره‌تیشینی یازدی.
پولیو واکسینی باله‌لر فلجی‌نینگ آلدینی آلیش‌نینگ اېنگ مهم یۉللریدن بیریدیر. تورلی اېملش کمپنیلری اۉتکزیله‌یاتگنیگه قره‌مه‌ی، افغانستانده هنوزگچه پولیو‌نینگ ایجابی حالتلری قید اېتیلماقده.
«پولیودن بوش افغانستان» تشکیلاتی کۉپراق باله‌لرنی اوشبو کسللیکدن حمایه قیلیش اوچون عایله‌لر و جمعیت‌نینگ باشقه اعضالرینی اېملش گروهلری بیلن همکارلیک قیلیشگه چقیردی.
