مرتضی سولنگی: طالبان‌نینگ ترورچی گروهلرنی قۉللب-قوّتلشده دوام اېتیشی جوابسیز قالمه‌یدی
۸صبح، کابل: پاکستان جمهور باشلیغی‌نینگ سۉزلاوچیسی مرتضی سولنگی اگر طالبان ترورچی گروهلرگه خوفسیز باش‌پناه، تعلیم و لوجستیک یاردمینی تقدیم اېتیشده دوام اېتسه، منطقه و دنیا مقیاسیده‌گی تینچلیک و برقرارلیک کوچلری اولرنی حیرتده قالدیریشینی اَیتدی.
سولنگی پنج‌شنبه کونی، ۹ میزان، طالباننی ترورچی گروهلر فعالیتی اوچون شرایط یره‌تیشده عیبلب، منطقوی و خلق‌ارا کوچلر‌نینگ «کوتیلمه‌گن حرکتی» اولر اوچون یاقیملی بۉلمسلیگی ممکنلیگینی اَیتگن.
او طالباننی «ناقانونی رژیم» دېب اته‌ب، بو گروهنی «تروریزم حامیسی» صفتیده تیلگه آلگن.
بو بیاناتلر پاکستان بوگون اېرته‌لب هلمند و کنر ولایتلریده‌گی حدودلرنی هوا هجوملریگه نشان قیلگن بیر پیتده ینگره‌ماقده.
پاکستان اخبارات وزیرلیگی اوّلراق اوشبو هجوملر «ایشانچلی معلوماتلر» اساسیده عملگه آشیریلگنینی و نتیجه‌ده ۲۲ «ترورچی» اۉلدیریلگنینی معلوم قیلگن.
پاکستان بیر نېچه بار طالباننی قوراللی گروهلرگه باش‌پناه بېریشده عیبله‌گن؛ بیراق طالبان بو عیبلاونی رد اېتیب، پاکستانده‌گی بې‌قرارلیک اوشبو مملکت‌نینگ ایچکی معماسی اېکنینی اَیتیب کېله‌دی.
