اوچا: افغانستانده قریب ۲۲ میلیون کیشی انسانپرورلیک یاردمیگه محتاج
۸صبح، کابل: بیرلشگن ملتلر تشکیلاتینینگ انسانپرورلیک یاردملرینی موافقلشتیریش باشقرمهسی (اوچا) جاری میلادی ییلده افغانستانده ۲۱،۹ میلیون کیشی انسانپرورلیک یاردمیگه محتاج اېکنینی معلوم قیلدی.
بیرلشگن ملتلر تشکیلاتی سهشنبه کونی، ۱۷-سنبله، ایکس صحیفهسیده یازیشیچه، مبلغلر اۉز وقتیده تامینلنمسه، یاردم کۉرسهتیش جریانی جدّی معمالرگه دوچ کېلهدی.
اوشبو تشکیلاتنینگ بیلدیریشیچه، انسانپرورلیک یاردمیگه جدّی احتیاج موجودلیگیگه قرهمهی، اۉتگن آینینگ آخریگچه ضرور مبلغنینگ اتیگی قریب ۳۰ فایزی تأمینلنگن.
بیرلشگن ملتلر تشکیلاتینینگ انسانپرورلیک یاردملرینی موافقلشتیریش باشقرمهسی شوندهی دېگن: «اگوست آیینینگ آخریگه قدَر ۱،۷۱ میلیارد دالردن عبارت ضرور مبلغنینگ اتیگی ۲۹،۷ فایزی تامینلنگن و بونینگ تاثیری حاضرده تورلی ساحهلرده سېزیلماقده.»
بو حالتده، مذکور تشکیلات بیر نېچه کون اوّل هم قَیتیب کېلووچیلر، طبیعی آفتلردن ضرر کۉرگن اهالی و ایچکی کۉچیریلگنلرگه یاردم کۉرسهتیش اوچون مۉلجللنگن بودجهده ۱۵۰ میلیون دالردن آرتیق مبلغ یېتیشمهیاتگنی حقیده خبر بېرگن اېدی.
