انسان حقلری کۉزهتووچی تشکیلاتی: طالبان انسان حقوقلرینینگ بوزیلیشی اوچون جواب بېریشی کېرهک
۸صبح، کابل: انسان حقلری کۉزهتووچی تشکیلاتی، بیرلشگن ملتلر تشکیلاتی انسان حقوقلری کېنگشینینگ آلتمیش-اوچینچی ییغیلیشیده افغانستانده، اینیقسه عیاللر، قیزلر و بالهلرگه نسبتاً انسان حقوقلری بوزیلیشلرینینگ کوچهییب بارهیاتگنیدن خواطر بیلدیردی.
اوشبو تشکیلات دوشنبه کونی، ۱۶ سنبله، بیاناتیده عیاللر و قیزلر ۲۰۲۱-ییلدن بېری منتظم روشده اۉز اساسی حقوقلریدن محروم اېتیب کېلینهیاتگنینی و ینگی قانونلر هم اولرگه کۉرسهتیلهدیگن حقوقی حمایهنی ینهده چېکلهگنینی اَیتگن.
اوشبو تشکیلاتنینگ اَیتیشیچه، ژورنالیستلر، انسان حقوقلری حمایهچیلری، نمایشچیلر و سابق حکومت خادملری همان انسان حقوقلرینینگ جدّی بوزیلیشلریگه دوچ کېلماقده.
انسان حقلری کۉزهتووچی تشکیلاتی، بیرلشگن ملتلر تشکیلاتیگه اعضا دولتلرنی انسان حقوقلری بۉییچه مخصوص گزارشگری ماموریتینی اوزهیتیریشگه و انسان حقوقلری کېنگشینینگ مستقل حسابدارلیک میکانیزمینی امکان قدَر تېزراق ایشگه توشیریشگه چقیرگن.
اوشبو تشکیلات شونینگدېک، افغانستاندهگی جنایتلرگه عاید دلیللرنی تۉپلش و سقلش همده انسان حقوقلری بوزیلیشلریگه علاقهدار شخصلرنی انیقلشنی طلب قیلگن.
انسان حقلری کۉزهتووچی تشکیلاتی دولتلرنی انیق انسان حقوقلری مېزانلریسیز طالبان بیلن مناسبتلرینی عادیلشتیرمسلیککه چقیرگن.
اوشبو تشکیلات شونینگدېک، آدملرنینگ افغانستانگه مجبورهن قَیتریلیشینینگ آلدینی آلیش و «جنسی آپارتاید»نی انسانیتگه قرشی جنایت صفتیده تن آلیشگه اورغو بېرگن.
