اوچا: شرقی حدودده‌گی زلزله‌دن بیر ییل اۉتیب هم عایله‌لر چادرلرده یشه‌ماقده
۸صبح، کابل: بیرلشگن ملتلر تشکیلاتی‌نینگ انسانپرورلیک یاردم‌لرنی موافقلشتیریش باشقرمه‌سی (اوچا) افغانستان شرقیده‌گی ویرانکار زلزله‌دن بیر ییل اۉتیب هم عایله‌لر چادرلرده یشه‌یاتگنینی اَیتدی.
اوچا، چهارشنبه کونی، ۱۱ سنبله، ایکس صحیفه‌سیده یازیشیچه، بو عایله‌لر افغانستان شرقیده ناقوله‌ی آب-هوا شرایطلریگه دوچ کېلماقده.
اوچا معلوماتیگه کۉره، افغانستان شرقیده‌گی زلزله‌دن ضرر کۉرگن عایله‌لرگه خوفسیز اویلر، تازه سوو، آزیق-آوقت، ضرور اوی-رۉزغار بویوملری و حیاتلرینی قَیته تیکلش اوچون تیریکچیلیک واسطه‌لری کېره‌ک.
بیرلشگن ملتلر تشکیلاتی‌نینگ اوشبو اداره‌سی اۉتگن ییلگی ویرانکار زلزله‌لر افغانستان‌نینگ بو قِسمیده ۲۲۱ مینگ‌دن آرتیق کیشیگه تأثیر کۉرسه‌تگنی و اولرنی یاردم آلیشگه محتاج حالگه کېلتیرگنینی اَیتدی.
بو اوچا سۉنگگی کونلرده طبیعی آفتلر عاقبتیده ضرر کۉرگن اهالینی قۉللب-قوّتلش اوچون مبلغ‌نینگ کېسکین یېتیشمه‌یاتگنی حقیده خبر بېرگن بیر پیتده یوز بېرماقده
