منبعلر قندهارده کېنگ کۉلملی یانغین یوز بېرگنینی معلوم قیلدی
۸صبح، قندهار: محلی منبعلر‌نینگ اَیتیشیچه، قندهار شهریده کېنگ کۉلملی یانغین صادر بۉلگن و یانغین هلی هم نظارتگه آلینمه‌گن.
منبعلر چهارشنبه کونی، ۶ عقرب، ۸صبح گزېته‌سی بیلن صحبتده اوشبو یانغین قندهار شهری‌نینگ ۱۳-ناحیه‌سیگه قره‌شلی، مهمند شفاخانه‌سی یقینیده ساعت ۱۲:۳۰ اطرافیده باشلنگنینی معلوم قیلیشدی.
منبعلر‌نینگ اَیتیشیچه، طالبان‌نینگ اۉت اۉچیریش گروهی یانغین باشلنگنیدن تخمیناً یریم ساعت اۉتیب واقعه جاییگه یېتیب کېلگن، بیراق حاضرگچه آلاونی اۉچیریشگه موفق بۉلمه‌گن.
منبعلر قۉشیمچه قیلیشیچه، یانغین همان ترقه‌لماقده و النگه تاباره کېنگه‌ییب بارماقده.
حاضرچه یانغین کېلیب چیقیشی‌نینگ سببی، مادّی ضرر مقداری و احتمالی قربانلر سانی معلوم اېمس.
