سویدن افغانستانگه قریب اوچ میلیون دالر یاردم کۉرسهتدی
۸صبح، کابل: بیرلشگن ملتلر تشکیلاتینینگ انسانپرورلیک مسألهلرنی موافقلشتیریش باشقرمهسی (اوچا) سویدن افغانستانگه قریب اوچ میلیون دالر یاردم کۉرسهتگنینی معلوم قیلدی.
اوچا، یکشنبه کونی، ۲۴ جوزا، ایکس صحیفهسیده اوشبو یاردم سویدن تامانیدن افغانستان انسانپرورلیک جمغرمهسیگه اجرهتیلگنینی یازدی.
اوچانینگ ایتیشیچه، اوشبو مبلغ یاردم کۉرسهتووچی تشکیلاتلرگه افغانستان بۉیلب یوزهگه کېلهدیگن کوتیلمهگن انقراضلرگه تېزکار جواب بېریش امکانینی بېرهدی.
بیرلشگن ملتلر تشکیلاتینینگ انسانپرورلیک مسألهلرنی موافقلشتیریش باشقرمهسی معلوم قیلیشیچه، سویدننینگ بو یاردمی ۲۸ میلیون کرون بۉلیب، ۲.۹۹ میلیون امریکا دالریگه تېنگ.
اوچا سویدننینگ اوشبو یاردمینی «سخاوتلی» دېب اتهب، بو مملکتگه منّتدارچیلیک بیلدیرگن.
بو شوندهی بیرحالده دیر که اوچانینگ سۉنگگی حساباتیگه کۉره، ۲۰۲۶-ییلده افغانستاندهگی ۱۷.۵ میلیون کیشیگه یاردم کۉرسهتیش اوچون سۉرهلگن جمعی ۱.۷۱ میلیارد دالرلیک بودجه نینگ اتیگی قریب ۱۶ فایزی (۲۶۹ میلیون دالر) مالیهلشتیریلگن.
