پاکستان افغانستاندهگی اَیریم نقطهلرگه هجوم قیلدی
۸صبح، کابل: پاکستان اخبارات وزیری عطاالله تارار، اوشبو مملکت بیر کون اوّل طالبان تامانیدن عملگه آشیریلگن درون هجوملریگه جوابا افغانستان بۉیلب ۱۰ ته نقطهگه هوا و درون هجوملرینی عملگه آشیرگنینی معلوم قیلدی.
تارار، پنجشنبه کونی، ۲ میزان، ایکس صحیفهسیده یازیشیچه، پاکستان مشروع حقوقیدن فایدهلنیب، اۉزینی قانونی حمایه قیلیش مقصدیده اوشبو هجوملرنی عملگه آشیرگن.
اونینگ قۉشیمچه قیلیشیچه و دعوا قیلیشیچه، بو هجوملر «قصداً، انیق، حساب-کتاب قیلینگن و متناسب» بۉلگن همده فقط پاکستانگه هجوم قیلیشگه اورینیش بیلن بېواسطه باغلیق بۉلگن انیقلنگن حربی نشانلر بیلن چېکلنگن.
پاکستانلیک بو عملدار طالباننینگ بیر کون اوّل اوشبو مملکتگه اویوشتیرگن درون هجوملرینی پاکستاننینگ حاکمیتی و حدودی یخلیتلیگینینگ آچیقدن-آچیق بوزیلیشی دېب بهالهگن.
پاکستان اخبارات و نشرلر وزیری طالباننی اوشبو مملکتگه هجوملر اویوشتیریشدن آگاهلنتیریب، پاکستان افغانستان حدودیدن عملگه آشیریلهدیگن هجوملرنی «نه قبول قیلهدی، نه بونگه طاقت قیلهدی»، دېگن.
بو حالتگه قدَر، ایکّی کون اوّل هم پاکستان قیرووچی اوچاقلری پکتیا و کنر ولایتلریدهگی نقطهلرنی هوا هجوملریگه نشان قیلگن اېدی.
