بیرلشگن ملتلر تشکیلاتی: افغانستانده اقلیم اۉزگریشلریگه چیدملی ۳۵ ته ایسّیقخانه قوریلدی
۸صبح، کابل: بیرلشگن ملتلر تشکیلاتینینگ ترقیات دستوری (UNDP) افغانستانده مرکزی حدودلردهگی دهقانلر اوچون اقلیم اۉزگریشلریگه چیدملی ۳۵ ته ایسّیقخانه برپا اېتگنینی معلوم قیلدی.
اوشبو دستور پنجشنبه کونی، ۲ مېزان، اوشبو ایسّیقخانهلرنی برپا اېتیش آرقهلی ۲۲۵ کیشیگه، جملهدن، ۱۰۵ نفر عیالگه ایش بیلن تأمینلنیش امکانیتی یرهتیلگنینی اَیتدی.
اوشبو ایسّیقخانهلرده کم انرژی صرفلهیدیگن تکنالوژیلر و سوونی عقللی باشقریش اصوللریدن فایدهلنیش آرقهلی محصولاتلری ایشلب چیقریشینی آشیریشگه یاردم بېریلماقده.
بیرلشگن ملتلر تشکیلاتینینگ ترقیات دستوری معلوماتیگه کۉره، اوشبو تکنالوژیلردن فایدهلنیش سوو صرفینی کمهیتیریب، اېکینچیلیک محصولاتلرینی کېسکین آب-هوا حادثهلریدن حمایه قیلهدی.
دستور اوشبو لایحه ییل دوامیده اېکینچیلیک محصولاتلرینی یېتیشتیریش، آزیق-آوقت خوفسیزلیگینی مستحکملش و عایلهلر اوچون ینهده برقرار درآمدنی تأمینلشگه یاردم بېریشینی تأکیدلهگن.
اوشبو تشکیلات افغانستان بۉیلب مینگلب دهقانلرنی اقلیم اۉزگریشلری عاقبتیده یوزهگه کېلهیاتگن معمالرگه برداش بېریب، ایشلب چیقریشنی آشیریشلری اوچون قۉللب-قوّتلهیاتگنینی اَیتماقده.
