مجاهد: پاکستاننینگ افغانستانگه اویوشتیرگن هوا هجوملریده تۉرت نفر تینچ اهالی جان بېردی
۸صبح، کابل: طالبان سۉزلاوچیسی ذبیحالله مجاهد، پاکستاننینگ قندهار، پکتیا و خوست ولایتلرینینگ اَیریم حدودلریگه اویوشتیرگن هوا هجوملری عاقبتیده تۉرت نفر تینچ اهالی جان بېرگنینی معلوم قیلدی.
مجاهد پنجشنبه کونی، ۲ میزان، اعلان قیلگن بیاناتیده اوشبو هجوملرنی اېنگ کېسکین سۉزلر بیلن قارهلب، اولرنی «آچیق تجاوز» دېب اتهگن.
طالبان سۉزلاوچیسی ینه بیر بار بو هجوملر «جوابسیز قالمسلیگی»نی تاکیدلهگن.
مجاهد پاکستان ایچکی معمالری آلدیده عاجزلیگینی آقلش اوچون افغانستان حدودیگه هوا هجومی اویوشتیرگنینی قۉشیمچه قیلگن.
پاکستان پنجشنبه کونی، ۲ مېزان، تانگ سحرده خوست، قندهار و پکتیا ولایتلرینینگ اَیریم حدودلرینی هوا هجوملریگه نشان قیلگن.
بیراق پاکستان اخبارات وزیری عطاالله طرار، بیاناتیده اوشبو هجوملر طالبانگه علاقهدار دېب کۉرسهتیلگن سکّیزته دروننینگ پاکستان حدودیگه کیریب کېلیشیگه جوابا عملگه آشیریلگنینی اَیتگن.
طرار پاکستان اۉز حاکمیت حقوقینی عملگه آشیریش و اۉزینی حمایه قیلیش مقصدیده اوشبو هجوملرنی عملگه آشیرگنینی قۉشیمچه قیلگن.
