تایوان اۉزی نینگ هوایی مدافعه منطقه‌سیگه چین ۱۵جنگی اوچاقی اۉتگنینی اعلان قیلدی
تایوان مدافعه وزیرلیگی تایوان نینگ هوا مدافعه منطقه‌سیگه کیرگن چین نینگ ۱۵ حربی-هوا کوچلری اوچاقلرینی، جمله‌دن، قیرووچی اوچاقلر و درانلرنی، شونینگدېک، چین حربی کېمه‌لری «جنگاور شَیلیک» و مانورلرنی عملگه آشیره‌یاتگنینی انیقله‌گنینی ایتدی.
رویترزنینگ گزارش بیریشیچه، بو چاره تدبیر ۲۶اکتوبر پنج‌شنبه کونی تانگ وقتی چین تامانیدن بجریلگن دیر.
چین اۉزی نینگ قلمروی دیب حسابله‌دیگن تایوان اۉتگن تۉرت ییل ایچیده بیر نیچه مرته آرال اطرافیده چین نینگ حربی فعالیتلری کوزه تیلگنیدن شکایت قیلگن.
تایوان مدافعه وزیرلیگی نینگ اعلان قیلیشیچه، سپتامبرنینگ ۱۷ و ۱۸ کونلریده تۉپلم چین نینگ ۱۰۳ اوچاقلرینی انیقله‌گن.
بو رقم بیجینگ و تایپه اۉرته‌سیده‌گی سۉنگی بحثلرده رکورد کۉرستکیچ بۉلیب، تایوان بۉغازی و منطقه‌ده خوفسیزلیک معمالرینی کېلتیریب چیقردی.
هوا مدافعه‌سینی انیقلش زون‌سی (ADIZ) هر بیر دولت نینگ هوا حدودیدن فرق قیله‌دی و کېنگراق حدودنی اۉز ایچیگه آله‌دی.
اوشبو حدودگه کیرهدیگن هر قنده‌ی خارجی اوچاق محلی رسمیلر مأموریتیگه اۉز موجودلیگینی اعلان قیلیشی کېره‌ک.
ختای و تایوان نینگ هوا مدافعه‌سینی انیقلش منطقه‌سی قسماً بیر- بیریگه ماس کېله‌دی.