یونیسف افغانستانده ۳۹ مینگدن آرتیق کیشی تازه ایچیملیک سوویدن فایده‌لنیش امکانیتیگه اېگه بۉلگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) سوو تأمیناتی تیزیملرینی قوریش و قَیته تیکلش آرقه‌لی افغانستانده ۳۹ مینگدن آرتیق باله و اولر‌نینگ عایله اعضالری تازه ایچیملیک سوویدن ینه‌ده ایشانچلی فایده‌لنیش امکانیتیگه اېگه بۉلگنینی معلوم قیلدی.
اوشبو تشکیلات پنج‌شنبه کونی، ۳۰ میزان، حسابات اعلان قیلیب، لایحه کوریا‌نینگ مالیوی یاردمیده عملگه آشیریلگنینی و اونینگ مقصدی اقلیم اۉزگریشلریگه نسبتاً ضعیف حدودلرنی قۉللب-قوّتلش اېکنینی بیلدیردی.
یونیسف‌نینگ معلوم قیلیشیچه، لایحه دایره‌سیده ۱۹ ته چوقور قودوق، قویاش انرژیسیده ایشله‌یدیگن سوو پمپلری تیزیملری، سوو سقلش امکانیتلری و سوو تقسیملش ترماقلری قوریلگن یاکه قَیته تیکلنگن.
تشکیلات‌نینگ اَیتیشیچه، اوشبو تیزیملر عایله‌لر، مکتبلر و ضعیف حدودلرگه قورغاقچیلیک، سوو تاشقینلری همده اقلیم اۉزگریشی‌نینگ باشقه عاقبتلریگه قره‌مه‌ی، تازه سوودن ینه‌ده ایشانچلی فایده‌لنیش امکانیتینی یره‌ته‌دی.
مذکور لایحه مملکت‌نینگ کۉپلب اهالیسی، اینیقسه، چېکّه حدودلرده یشاوچیلر تازه ایچیملیک سوویدن فایده‌لنیش امکانیتیگه اېگه بۉلمه‌گن بیر پیتده عملگه آشیریلماقده.
