طالبان نورستان ولایتیده‌گی برچه خصوصی اۉقوو مرکزلرینی یاپدی
۸صبح، نورستان: محلی منبعلر‌نینگ اَیتیشیچه، افغانستانده تعلیمگه قۉییله‌یاتگن چېکلاولر دوام اېته‌یاتگن بیر پیتده، طالبان نورستان ولایتی مرکزی پارون شهریده‌گی برچه خصوصی اۉقوو مرکزلرینی یاپگن.
منبعلر پنج‌شنبه کونی، ۳۰میزان، ۸صبح گزېته‌سیگه معلوم قیلیشیچه، طالبان‌نینگ اوشبو ولایتده‌گی امر باالمعروف و نهی عن المنکر باشقرمه‌سی خصوصی اۉقوو مرکزلریگه خط یوباریب، اولردن مرکزلرینی یاپیشنی طلب قیلگن.
۸صبح گزېته‌سیگه تقدیم اېتیلگن خطگه کۉره، طالبان‌نینگ نورستانده‌گی امر باالمعروف و نهی عن المنکر باشقرمه‌سی، اوشبو اۉقوو مرکزلری اېگه‌لریدن فعالیت یوریتیش رخصت‌نامه‌لری بیلن بیرگه باشقرمه‌گه کېلیشلرینی سۉره‌گن.
منبعلر‌نینگ اَیتیشیچه، طالبان‌نینگ نورستانده‌گی امر باالمعروف و نهی عن المنکر بوندن آلدین هم اوشبو اۉقوو مرکزلرینی انگلیس تیلی تعلیمینی کېنگه‌یتیرمسلیک حقیده بیر نېچه بار آگاهلنتیرگن.
بو حالت طالبان سۉنگگی بېش ییل دوامیده مملکتده تعلیمگه کېسکین چېکلاولر جاری اېتیب، آلتینچی صنفدن یوقاری صنفلرده اۉقیدیگن قیزلر اوچون مکتبلر و اۉقوو مرکزلری اېشیکلرینی یاپگن بیر پیتده یوز بېرماقده.
