«بیرلشگن ملتلر تشکیلاتی تاریخیده‌گی اینگ کتّه تلفات»؛ غزه ده ۱۵۲ یاردم بیرووچی هلاک بولگن
اسراییل و حماس آره‌سیده‌گی اوروش دن قریب ۱۰۰ کوت اۉتماقده ایکن، بیرلشگن ملتلر تشکیلاتی اوشبو مدت ایچیده کوپ سانده یاردم بیرووچی ایشلاوچیلری هلاک بولگنینی معلوم قیلگن.
بیرلشگن ملتلر تشکیلاتی باش کاتبی آنتونیو گوترش ۱۶-جنوری، سه‌شنبه کونی ایکس اجتماعی ترماغی‌ده یازیشیچه، بیرلشگن ملتلر تشکیلاتی ایشلاوچیلری نینگ اینگ کوپ تلفاتی بو تشکیلات تاریخی ده ثبت بولگن.
اونگه کوره، غزه ده ۲۰۲۳-ییل ۷ اکتوبر ده اسراییل و حماس آره‌سیده اوروش باشلنگندن حاضرگچه، مذکور تشکیلات نینگ ۱۵۲ ایشلاوچیسی هلاک بولگن.
او نینگ کوپه‌یتیریشیچه: «یاردم بیرووچیلر، کوپ باسیم‌لر و ایمنی کفالت‌سیز، غزه ایچیده یاردم کورسه‌تیش اوچون تلاش قیلماقده‌لر.»
بیرلشگن ملتلر تشکیلاتی باش کاتبی غزه نینگ هیچ جایی و هیچ کیم تینچ ایمس‌لیگینی بیان قیلسه ده، ېنه بیر مراتبه تیزلیک بیلن آتیش کېسین برقرار ایتیلیشی اوستیگه تاکید ایتگن.
غزه ده بیرلشگن ملتلر تشکیلاتی نینگ ایشلاوچیلری اسراییل نینگ ییر و هوا هجوم‌لری طفیلی اوشبو شهر ده میلیون‌لر چه کیشی گه یاردم کورسه‌تیش ایشلری گه دوام بیرماقده‌لر دیدی، آنتونیو گوترش.
او، غزه ده اوروش تامان‌لریدن اۉت بیلن اوینش و خصومت‌لر گه یکون بیریش‌لرینی سوره‌گن.
عین‌حالده، اسراییل و حماس آره‌سیده اوروش باشلنگندن حاضرگچه قریب ۲۴ مینگ کیشی اولیب و باشقه ۵۰ مینگ دن آرتیق کیشی یره‌لنگن.