روسیه مدافعه وزیری اۉرین باسرینی پاره آلیش عیبی بیلن ایشدن بوشه‌تدی
روسیه مدافعه وزیری سرگئی شویگو اۉرین باسرینی بیر میلیون روبل (۱۰ مینگ ۸۰۰ دالر) پاره آلیش عیبی بین ایشدن بوشه‌تگن.
تاس آژانسی ۲۴ اپریل، چهارشنبه کیچه تیمور ایوانوف شویگو نینگ بویروغی بیلن اوشبو مملکت مدافعه وزیری اۉرین باسرلیگیدن بوشه‌تیلگن.
روسیه مدافعه وزیری اۉرین باسری نینگ پاره آلیش عیبی نهایی بولگن حالده، ۱۵ ییل قماق جزاسی گه محکوم بولیشی ممکن.
ایوانوف اوشبو ییل ۲۳ جولای ده محکمه حکمی نهایی بولگونچه تورمه خانه ده سقلنه‌دی.
شو بیلن بیرگه، روسیه مدافعه وزیرلیگی ایشدن بوشه‌تیلگن اۉرین باسری نینگ وکیلی دنیس بالویف، ایوانوف نینگ اوی قماغینی طلب قیلیشینی اېتگن.
ایوانوف ۲۰۱۶ ییلدن بېری روسیه مدافعه وزیری نینگ اۉرین باسری صفتیده وظیفه اجرا قیلیب و اوکراین گه قرشی اوروش طراح‌لری و شویگو گه یقین متحدلردن بیری سنله‌دی.
شونینگدیک او اوکراین نینگ اوروش طفیلی کوپ قسم‌لری بوزیلگن ماریوپول شهری نینگ قیته قوریش مسووللریدن بیری اېدی.
ایوانوف روسیه ده دبدبه‌لی حیات کېچیریش بیلن مشهور دیر.
روسیه اپوزیسیون فقید رهبری الکسی ناوالنی گه تیگیشلی فساد گه ضد جمغرمه باشلیغی ماریا پوچیخ سی‌ان‌ان بیلن اۉتکزگن صحبتیده، اوکراین اوروشی ایوانوف نی بای قیلگنینی ادعا قیلگن.
اونینگ ادعاسی اساسیده، فساد روسیه مدافعه وزیری نینگ ایشدن بوشه‌تیلگن اورین باسرینی بای‌راق قیلیب و مسکو شهری اېنگ قیمتلی منطقه‌سیده سابقه‌لی بیر اوی، ایوانوف نینگ ملک‌لریدن بیری دیر.
بوندن آلدین امریکا و اروپا اتفاقی روسیه نینگ ایشدن بوشه‌تیلگن اوشبو رسمی‌سینی اوکراین ده اوروش باعث تحریم قیلگن اېدیلر
