فاریاب‌ده ورلد ویژن تشکیلاتی‌نینگ مالیوی یاردمی بیلن بیرته سوو تأمیناتی ترماغی فایده‌لنیشگه تاپشیریلدی
۸صبح، کابل: فاریاب ولایتیده شۉر سوونی چوچوک سووگه ایلنتیریش اوچون ۳،۴ میلیون افغانیدن آرتیق مبلغ صرفلنگن و ورلد ویژن تشکیلاتی‌نینگ مالیوی یاردمیده سوو تأمیناتی ترماغی قوریب بیتکزیلیب، فایده‌لنیشگه تاپشیریلدی.
طالبان نظارتی آستیده‌گی باختر اخبارات آژانسی یک‌شنبه کونی، ۲۶-مېزان، اوشبو ترماق ولایت‌نینگ چهلگزی تومنیده‌گی خواجه اسفلان قیشلاغیده قوریلگنینی خبر قیلگن.
خبرگه کۉره، لایحه یکونلنیشی بیلن اوشبو قیشلاقده‌گی ۶۰۰ ته عایله‌‌نینگ ایچیملیک سوویگه بۉلگن احتیاجی تأمینلنگن.
مذکور ترماق محلی اهالیگه تازه ایچیملیک سووی یېتکزیب بېریش مقصدیده قوریلگن بۉلیب، شۉر سوونی ایچیشگه یراقلی حالگه کېلتیریش اوچون اونی تازه‌له‌یدی.
اوشبو یاردم مملکت‌نینگ کۉپلب وطنداشلری، اینیقسه، آلیس حدودلرده یشاوچیلر تازه و خوفسیز ایچیملیک سوویدن فایده‌لنیش امکانیگه اېگه بۉلمه‌گن بیر پیتده کۉرسه‌تیلماقده.
