بیرلشگن ملتلر تشکیلاتی: بحرانلر سبب ۲۵۸ میلیون باله و اۉسمیرنینگ تعلیم آلیشی ایزدن چیقدی
بیرلشگن ملتلر تشکیلاتی جینواده ۲۵۸ میلیون باله و اۉسمیر بوتون دنیا بۉیلب بحرانلر سبب تعلیم آلیشده اوزیلیشلرگه دوچ کېلهیاتگنینی معلوم قیلدی.
بیرلشگن ملتلر تشکیلاتی جمعه کونی، ۴-سپتمبرده، ایکس صحیفهسیده «تعلیم کوته آلمهیدی» (ECW) تشکیلاتی بحرانلردن ضرر کۉرگن ۱۰ میلیون بالهگه اۉقیشنی دوام اېتتیریشلری اوچون یاردم بېریش مقصدیده ۶۰۰ میلیون امریکا دالری مبلغ اجرهتیلیشینی سۉرهگنینی یازدی.
اوشبو کمپاینی «امید شو یېردن باشلنهدی» شعاری آستیده بحرانلردن ضرر کۉرگن بالهلر و اۉسمیرلرنینگ تعلیمینی قۉللب-قوّتلش اوچون باشلنگن.
اوشبو تشکیلاتنینگ اَیتیشیچه، اوشبو مبلغ ۲۰۲۷–۲۰۳۰-ییللر آرهلیغیده بحرانلردن ضرر کۉرگن ۱۰ میلیون بالهگه یاردم بېریش اوچون ضرور.
شو بیلن بیرگه، طالبان بېش ییل اوّل ینه حاکمیتنی اېگهللهگنیدن بویان افغانستان تعلیم تیزیمی هم کۉپلب معمالرگه دوچ کېلماقده و قیزلر مکتب همده بیلیم یورتیلرگه باریشدن محروم قیلینگن.
