طالبان: ۱۹۲ عایله مجبوری افغانستانگه قیتریلدی
طالبان اۉتگن کون ۱۹۲ عایله، جمعی ۸۸۷ کیشی، مجبوری افغانستانگه قَیتریلگنینی معلوم قیلدی.
طالبان سۉزلاوچیسی حمیدالله فطرت شنبه کونی، ۲۱-سنبله، ایکس صحیفهسیده بېرگن معلوماتیده ۸۹ عایله، جمعی ۴۵۱ کیشی ننگرهاردهگی تورخم چېگرهسی آرقهلی افغانستانگه قَیتگنینی اَیتگن.
فطرتنینگ قۉشیمچه قیلیشیچه، ۱۹ عایله، جمعی ۱۰۰ کیشی قندهاردهگی سپینبولدک چېگرهسی آرقهلی، ۶۵ عایله، جمعی ۲۶۶ کیشی اېسه نیمروزدهگی ایپک کۉپریگی آرقهلی مملکتگه قَیتگن.
اونینگ اَیتیشیچه، ینه ۱۹ عایله، جمعی ۷۰ کیشی هراتدهگی اسلامقلعه چېگرهسی آرقهلی افغانستانگه کیرگن.
بو عایلهلرنینگ قَیتریلیشی افغانستان ایشسیزلیک، قشّاقلیک و اساسی خدمتلرنینگ یېتیشمسلیگی کبی کېنگ کۉلملی معمالرگه دوچ کېلهیاتگن بیر پیتده یوز بېرماقده. مهاجرلرنینگ قَیتیشی احتیاجمند عایلهلرگه ینهده کتّه باسیم یوکلشی ممکن.
