یونیسف: افغانستانده توییب آوقت‌لنمسلیکّه چلینگن ۷۰۰ مینگ دن آرتیق باله نی دواله‌دیک
بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) گه کوره، میلادی اۉتگن ییل ده مملکتده توییب آوقت‌لنمسلیکّه چلینگن ۷۱۵ مینگ باله‌نی دواله‌گن.
یونیسف بو سۉزلرنی ۱۶ حوت، چهارشنبه کونی ایکس صحیفه‌سیده یازگن.
بیرلشگن ملتلر تشکیلاتی نینگ باله‌لردن حمایت قیلووچی صندیغی گه کوره، اولر میلادی اۉتگن ییل ده افغانستاندهگی محتاج کیشی‌لر گه ۹۰ میلیون آوقت پاکتی توزیع قیلیشگن.
بوندن آلدین خلق‌ارا آزیق-آوقت دستوری، طالبان حاکمیتیده افغانستانده ۲.۳ میلیون حامله‌دار عیال توییب آوقت‌لنمسلیکّه چلینگنینی ایتگن اېدی.
طالبان قدرت نی آلیشی و اوشبو مملکت گه مالی یاردم‌لر کمه‌یشیدن کیېن افغانستانده کمبغللر و آچلیک میزانی آشگن.
بیرلشگن ملتلر تشکیلاتی نینگ سۉنگی معلوماتی اساسیده، حاضرگی کونده مملکت نینگ اوچ دن یریم جمعیتی آوقت اېتیشمسلیک قیینچیلیگی بیلن دوچ دیر.
